طاجين بالبات

الروسات بالنسبة للعجينة
رطل فارينة ساشي خميرة خبز كعبة ياغورط طبيعي معرفة سكر وملح وتعجن بالحلبب الدافي وتخليها ساعة تخمر
الحشو حطيت بطاطا مقلية جويدة تن زيتون جبن معدنوس حبق خلطهم
تاخذ طبق تدهنو بالزبدة وتفرش فوقو لعجينة متكونش خشينة ( لازم كيما تارت)وبعد تصب الحشو الي حضرتو تفرشو الكل وترش جبن مرحي
تاخذ حكة كرام فراش واربعة عضمات وتفوح فلفل اكحل وحبق وملح تركض الكل وتسقي بيه من فوق ودخلها تطيب 

ابتسام

تالياتليّ بالسلمون

طريقة التحضير
ملعقة أكل من الزبده ملعقة أكل من الزيت نضعهم علي نار هادئة بعد ذوبان الزبده انضيف قطع السلمون حبة ثوم فلفل حار مدشش وملعقه صغيره من الطماطم ملاحظه الطماطم نستعملها لتقربنا من لون السلمون
بعد التقليه انضيف قليل من الماء والكرام فراش 
نسلق التياتلي انصفيها ونضعها في الصلصه ونتركها قليل علي النار مع إضافة المقدنوس والفلفل الأسود

الشاف فرج سعيد

شاباتي المهدية

كاس حليب
كاس زيت
كاس ماء
2 كيسان سميد جويد
2 كيسان فرينة
1خميرة فورية
2 مغاف ق سكر
مغرفة ق ملح
وتعجنهم بالباهي حتى تولى عندك عجينة كان لقيتها ما لمتش روحها زيدها شوية فرينة
خليها تتخمر بالباهي
وبعد حل كعيبات مدورين
ادهنهم بالهريسة وزيد جبن وموتزارلا وتن وعضم وكبار وسكرها وطيبها في القرانيت على نار هادية
وتاكلو بالشفاء

قاتو الطبقات

طبقة الكيك
3بيضات كاس غير ربع سكر 1فانيلية نصف كاس حليب ونصف كاس زيت نباتي كاس فرينة ملعقتين كاكاو ملعقة اكل خميرة قاطو
الحشوة
250غ كرام شانتي مع كاس ماء او حليب انا عملت حليب تركضهم تزيدهم 2 ياغرت طبيعي انا زدتها كعبة جوكي جبن طازج وملعقة عسل طبيعي نقصم الخليط على 2نزيد لواحد منهم 120غ شكلاطة انا عملت مايسترو مذوبة نخلطه ونخليه على جنب
بعد ما الكيك يطيب يبرد شوية نسقيه بكاس حليب نخليه يبرد تماما بعد نصب الخليط الابيض ونحله بعد فوقه الخليط بالشكلاطة وخليها نصف ساعة في الفريجو نذوب 120غ شكلاطة اخرى من نفس النوع الاول ونزيدها كاس حليب وناخذ ملعقة اكل جيلاتين بودرة نزيدها 7ملاعق ماء عادي نحله مليح ونزيد للشكلاطة وهي سخونة نخلط ملح بعد نخرج الكيكة من الفريجو ونصبها كطبقة اخيرة ونجعها للفرجو 10دق بعد تاكل بالشفاء
ملاحظة كل واحد ونوع الشكلاطة الي يحبذها انا كان اجتهاد مني زدت ياغرت جبن طازج جوكي لزيادة النكهة وملعقة نوتيلا لطبقة الشلاطة الاخيرة

سندس مساعد

 

قاتو بالغلة

القاتو: تأخو 3 بيضات وكأس ناقص سكر و1 فانيليا وذرة ملح وتركضهم حتى تتحصل على خليط كريمي وزيد 2 ياغورت طبيعي وكاس ناقص زيت نباتي  و2 كيسان فرينة مغربلين مع 1 خميرة خلط الكل بالباهي وبعد طيبها في الفرن على 180 ° وكيف تطيب خليها تبرد وحضر كريمة البرتقال : 3 كعبات برتقال معصورين وتزيدهم كأس ماء و 3مغارف نشاء ومغرفة سكر وتطيبهم وبعد صبهم على القاتو ، وكيف تبرد الكريمة وتيبس قصها وبعد زينها بالغلة الموجودة عندك وادهنها بالناباج وتأكلو بالشفاء

 

Spaghettis aux langoustines

قلي بصلة مع طمطومة خضراء و 4 سنون ثوم مفرومين وبعد تزيد اللنقوستين وكيف تحمار تحط الملح والفلفل الأكحل والفلفل الأحمر وتابل وكركم وتخليها تشكشك وتزيد الطماطم المعجونة وامرق وخليها تغلي 20 دق لين تطيب واصمت المقرونة السباقتي وخلطها

Rosa Ben Hnia

شكشوكة فلفل ملاحي وسردينة مقلية

صمت البطاطا بالملح وشوية كركم
وفي التيفال قلي طماطم خضراء وقطع معاهم راس ثوم وزيدها نصف مغرفة طماطم معجونة وبعد زيدهم فلفل اخضر وفلفل شايح وفلفل ملاحي وكيف تطيب زيدها البطاطا المصموتة بالماء متاعها ويكون شوية
وزيد كروية وفقر عضم وطفي عليها
ماتنساش قرينات فلفل مقلي

مقرونة بالحوت

قلي بصلة صغيرة وزيدهم كعبة طماطم خضراء مقشرة وكيف يتقلاو تزيدهم مغرفة كبيرة طماطم معجونة وشوية طماطم شريحة وثوم وتابل مفوح وامرق وزيد فلفل مرحي وفلفل هروس وكركم وملح وفلفل اكحل وارمي الحوت في كسكاسو وخليها تغلي حتى تطيب وبعد اصمت المقرونة وخلطها

كسكسي بالقرنيط

تسمط القرنيط 15 دق يغلي في الماء و تسقطرو و بعد تقلي بصلة و ترمي القرنيط و الطماطم و تقلي شوية و بعد تزيد 1/2 مغرفة صغيرة هريسة عربي و 3 سنون ثوم و و تفوح عادي بالفلفل اكحل و فلفل احمر و كركم و شوية تابل و كروية مخلطين و تمرق بالماء و في نصف الطياب ترمي الخضرة اللي تحبها قرع و جزر و لفت تغلي الفول وحدو في الماء مع قطعة قارس و عندما يطيب المكونات الكل تكون فورت الكسكسي فوق المرق تمرقو و تقدمو مع القرنيط و الخضرة و تزينو بقرين فلفل مقلي

Ella Akkari

تصبير السردينة أو النشوبة

طريقة تصبير سمك السردين أو الشنوى مثل المعلبة و طريقة تملحها
طريقة التصبير
انضف السمك نفوحه بالزيت ملح فلفل أسود فلفل حار مدشش قطع من الليمون الحامض انغطيه ونضعه علي النار لطهى بالبخار بعد الطهى نتركه يبرد بعدين نضعه في اواني بلوريه ونضع عليه الزيت ملاحظه الزيت يكون مخلط زيت الزيتون وزيت نباتي ثلث زيت زيتون والباقي زيت نباتي
نغلق العلب ونضعها في إناء بالماء علي النار لمدة ساعه تطفئ النار ونخرجها عندما يبرد الماء
تمليح السمك 
بدون ان ينضف كما هو نضع في أسفل الاناء الملح الخشن ونضع طبقه من السمك كل مره نضع الملح والسمك طبقات فوق بعضها في الاخيرنضع وزيت كما في الصوره
ملاحظه كل يوم ننزع الماء الذي يتكون داخلها لمدة ثلاث ايام او اكثر

الشاف سعيد فرج

 

 

مرقة جلبانة بالبقري

حط اللحم يغلي في الماء مع الزيت و 2 رؤوس بصل والجلبانة وفي نصف الطياب تزيدو طمطومة خضراء و ومغرفة طماطم معجونة موش مليانة وتفوح بالملح والفلفل الاكحل و2 مغارف صغاركركم  ووتخليها تغلي وكيف يطيب اللحم ترمي قرين فلفل اخضر وخليها تطيب لين تقر زيتها

بالنسبة للبطاطا صمتها وحدها بالكركم والملح باش ماتمسطش المرقة ونزيدها في الصحنات مع قرين فلفل مقلي ورشيشة معدنوس وبصل

سمان محشي

تاخو فخذ وصدر دجاج عادي وتحطو يتصمت في الماء وزيت وتفوحو بالملح والكركم وزنجبيل وفلفل أكحل واكليل وكروية وشوية زعتر وبعد تخرجو وتقطعو جويد والماء هذاكا  تكيلو وتأخو كأس ارز و 2 كيسان مرق الدجاج وكان المرق شوية زيدو ماء ساخن وخليه يطيب على جنب ، تأخو كعيبات السمان نظاف بالباهي وتفوحهم مسبقا بخليط متكون من : زيت وكركم وكروية وزنجبيل وفلفل أكحل و اكليل وزعتر وتخليهم يبنانو على الأقل 2 ساعات في الثلاجة ، نحضرو الحشو إلى متكون من الدجاج المقطع والطايب عندنا ونزيدو مغيرفة أرز الطايب زادة مسبقا وعضمة مصموتة ومقطعة جويدة ومغرفة معدنوس مقطع وجبن مرحي وملح وشوية فلفل اكحل ونخلط الكل بالباهي ونحشي بيه كعيبات السمان ونسكرهم بالكردون وبعد نلفهم بالخيط باش يبقاو صحاح مايتحلوش وكيف كيف نحطهم يتصمتو نصف طياب في ماء وزيت وكركم وفلفل اكحل وكروية وزنجبيل وملح وشوية زعتر حتى يقريب يطيبو زيدهم كعيبات بطاطا ودوبما يغليو رصفهم في طبق الفرن مع جرارات قارص وحطهم يتجمرو حتى تطيب البطاطا ويحمارو كعيبات السمان

أنا زدت معاها هريسة دياري وأنتم إلى تحبو زيدو وتأكلو بالشفاء

Focaccia farcie à la viande hachée

العجينة :

تاخو 600غ فرينة وتزيدو ملح وفي وكأس تحط كيس خميرة فورية وشوية ماء دافئ ومغرفة سكر وتخليهم يتفاعلو وبعد صبعم على الفرينة وكمّل لم العجينة بالحليب وخليها طرية موش يابسة وفي مكان دافئ حتى تتخمر بالباهي وبعد أقسمها على جزئين

بالنسبة للحم : تقلي بصلة كبيرة ومعاها اللحم في شوية زيت وتزيدهم ملح وفلفل أكحل وكركم ومغرفة قهوة طماطم معجونة وتفوح بالتابل والثوم وفلفل مرحي وصب عليه شوية ماء وخليه يغلي لين يشيح تماما

أقلي 2 كعبات بطاطا متوسطين في شكل حلقات وسقطرهم

أقلي حلقات فلفل وسقطرهم

أصمت 3 بيضات

أبشر 200غ موتزارلا

حل العجينة بالفرينة وافرشها في طبق الفرن وأدهنها بالهريسة وبعد زيد ادهنها ب 2 مغارف جبن فريدو أو مثلثات وبعد افرش البطاطا ثمّ اللحم ثمّ الفلفل حلقات ثمّ البيض مقصوص والمعدنوس والجبن وأخيرا خوذ 3 بيضات نحي منهم فصّ على جنب والباقي ركضو وصبو على باقي المكونات وأخيرا حل الجزء الثاني من العجينة وافرشو وخلط فص البيضة إلى نحيتو مع شوية حليب وصبو من فوق زينها بالسينوج أو الجلجلان وطيبها في الفرن على 180درجة وبعد قصها كيف تبرد شوية باش ما تتفتفتش