شربة عدس وبوري بالكروفات

شربة عدس وpurė بالكروفات
شربة العدس :
ترمي كل شيء في الماء الماجل او الصافية
بصل وزيت و فلفل مرحي وكركم وشوية طماطم مغجونة وبسباس مرحي
وقت الي يغلي المرق ارمي فنجال عدس مرحي وسكر عليه شوية الكوكوت وبعد زيدو الملح كيف تطيب
Puré بالكروفات
تصمت كعبتين بطاطا ومعاهم كعيبات كروفات بالملح وبعد سقطرهم وارفس البطاطا وزيدها شوية زبدة و2 مغارف حليب وارفس الكل بالباهي وحطهم في البوش وزين الصحنات كيما تحب
بالسلاطة والطماطم والكروفات

دجاج مجمّر

دجاج مجمّر
نحط الدجاج يتصمت وفوحو بالاكليل والكروية والكركم والملح والفلفل الأكحل وكيف يطيب نزيدو فلفل وطماطم حلقات وقارص ومعدنوس ونحطو في الفرن يتجمر ويولي بنة موش نرمال

خلية النحل المحشية

عجينة 10 دق
2 كيسان ماء
11غ خميرة خبز
مغرفة صغيرة سكر
مغرفة صغيرة مليانة ملح
2كيسان فرينة
تخلطهم بالباهي وتتحصل على خليط سائل
خليه يتخمر مدة 10 دق
بعدين زيدو نصف كاس زيت نباتي و2 مغارف كبارحليب
و3كيسان فرينة واعجن لين تتحصلي علي عجينة متماسكة
وكان جاتك سائلة وماتلمتش زيد الفرينة لين تتلم

العجينة تعملها كعبورات صغار وتصففهم بحذا بعضهم وتخليها ترتاح وهي تتنفخ وتلسق بعضها وترش السينوج والجلجلان وبعدما تطيبها تقصها في اثنين وتحط الحشو انا طيبت الدجاج وفوحته بالفلف اكحل وكركب وملح ووريقات رند حتي يشيح من ماه وتقص عليهم عضمتين طايبين وتحطهم علي النصف الاول وتزيد فوقهم الجبن الاصفر المربعات وموتزارلا وتغطيها بالنصف الثاني

 

كسرة عبيد

الطبق هذا فيه كيلو عبيد مرحي عليه رطل فرينة ورطل سكر محور و3 خميرة قطو وقطرات فاني وتبسبسهم بالزيت ثم تخلط بالماء الدافئ عليه شوية ملح حتي تتلم وتخليها ترتاح وتاخذ التمر المرحي وتفوحه بشوية قرفة وشوش ورد وجلجلان وشوية زهر ومغرفة زبدة وتخلطهم مع بعضهم وتاخذ الصينية وتقسم الخليط علي اثنين وتاخذ النصف الاول وتبسطت علي الصينية وتحاول انه يكون قد قد وتعدي عليه بيدك باش تستويه وتاخذ التمر وتحاول تحل بالشوية بالشوي بالقلقال وتحط فوق الخليط حتي تكمل الصفة الكل ومن بعد تأخذ نصف الخليط الثاني وتحطه فوق التمر وتستويه وإذا يدين تتسلق ادهنهم بالزيت وبعدما تكمل ترش شوية جلجلان وتقص مربعات وتطيبها في الفور بعدما تكون سخنته علي 200 درجة وتخليه حتي تطيب تقريبا مدة ساعة الا ربع

مفيدة حمزة



 

entre cõte grillè

بالنسبة للصلصة :
تقلي بصل وتزيدو 2 كعبات طماطم خضراء وكيف يطيبو زيدهم مغرفة طماطم معجونة وقلي بالباهي وبعد رش شوية ماء وزيد قرين فلفل اخضر وحط فلفل الصيف ( شيحناه عولة )
وزيدو شوية فلفل مرحي وملح
بالنسبة للعضم اقليه وحدو وبعد حطو من فوق
توفيح اللحم :
تعمل خليط ملح وكركم وزيت وقارص ومروية وفلفل اكحل وتفوح بيه اللحم وتخليه يبنان في الثلاجة وبعد كيف تحضر البطاطا المقلية والصوص والفلفل المقلي حطو في مقلة تيفال وغطيه باش يطيب في الفاح متاعو وما يشيحش
وبعد زين الصحنات واعصر قارص ورش معدنوس وبصل مقطعين جويدين

خبزة درع

تركض 4 بيضات وكأس سكر و1 فنيليا بالباهي ويعد زيدهم كأس فرينة ، تخلط 2 كيسان درع وكاس حليب وكأس زيت وتقطع الدقلة والزبيب وتخلطهم بشوية فرينة وتزيدهم كيس خميرة وتحطها تطيب في الفرن 170 درجة

ابتسام بوعزيز

خبزة برتقال

تطيب زوز برتقالات مع شوية سكر و ترحيهم و زيد اعصر زوز اخرين و خلط الكل .ركض 5 بيضات و 5 مغارف سكر و صب مع بعضهم و زيد 250 غ فرينة و باكو خميرة قاطو نصف كاس زيت و خلط مليح و صبها في طبق مدهون بالزبدة و طيبها في الفرن يكون مسخن على 180 درجة مدة 40دق

كلثوم

تارت بالشكلاطة

تارت بالشكلاطة
عجينة التارت :
250 غ فرينة مغربلة
125 غ زبدة
نصف كيس خميرة قاتو
عضمة
مغرفة صغيرة سكر
بين صوابعك ملح
وكمل لم العجينة بالحليب
تحل العجينة وتحطها في المول متاع التارت وفوقها حمص او لوبيا وطيبها في الفرن
كريمة الشكلاطة :
نصف لتر حليب
2 مغارف نشاء كبار
مغرفة كبيرة مليانة كاكاو
كيس فانيليا
2 فصوص عضم
مغرفة كبيرة سكر
تحل كل المكونات في البارد وبعد تطيبها على الغاز
وكيف تبرد تحطها في التارت الي طيبتها مسبقا
الشكلاطة البيضاء :
100 غ شكلاطة تذوبها في حمام مائي وتزيدها 30 غ زبدة ونصف علبة كرام فراش وبعد خلطها بالباهي وكيف تبرد شوية تصب برفق على كريمة الشكلاطة
الشكلاطة السوداء:
تذوب 50 غ شكلاطة في حمام مائي معاه 20 غ زبدة وربع علبة كرام فراش
وبعد خلطها بالباهي وبردها شوية
وصبها في شكل حلقات
انظر الصور
وزينها
حطها ترتاح 2 ساعات على الاقل في الثلاجة وبعد قصها