قاتو للسهرية

قاتو للسهرية
5 بيضات
ياغورتة سكر محور وممكن تزيد كان تاكلو الحلو
وشكارة فانيليا
تركضهم بالباهي حتى الخليط ييبس شوية
زيد ياغورتة طعم فانيليا
ياغورتة زيت زيتونة
3 ياغرتات فرينة مغربلة
1 خميرة قاتو
خلط الكل وصب في المول وخلي شوية في القاع زيدهم 2 مغارف كبار كاكاو
ومن غير ماتحرك
حطها تطيب على 180 °

ساليه بالتن

 

رطل فرينة و 100غ زبدة ذايبة وشوية ماء دافئ وكيس خميرة خبز وملح ومغرفة سكر تعجنهم بالباهي وبعد خليها ترتاح حتى تتخمر وفي الوقت هذاكا أعمل حشو متكون من بصل ومعدنوس وتن وجبن وعضم مصموت وعضمة نية وشوية كبار وبعد حل العجينة وحط فيها الحشو وروليها وادهنها باصفر العضم وشوية نسكافيه ورش عليها السينوج والجلجلان وخليها تطيب 25 دق على 180 درجة

ابتسام

كوشة علوش

كوشة علوش
تصمت اللحم العلوش في الماء والزيت وبعد تزيدو كركم وملح وفلفل اكحل ومغرفة قهوة طماطم معجونة وبصل وتخليه يغلي حتى يطيب اللحم وفي بﻻتو الفور اعمل دوائر طماطم وفلغل وقارص ورصف اللحم وبعد صب الصوص وشعل عليه الفور الفوقاني وكيف يطيب زيدو بطاطا مقلية ورشة معدنوس

شوفرات سوتي بالطماطم

شوفرات سوتي
حط في المقلة الشوفرات منظفة بالباهي والزيت و2 كعبات طماطم مقشرين ومقطعين جويدات و4 سنات ثوم جواد وتقليهم الكل وزيدهم فلفل أكحل وكركم وملح وبعد تغطيهم وخليهم لين ينزحو ويطيب الطماطم رش عليهم شوية معدنوس ودوبما يغلي وأطفي

مرقة شوباي بالجلبانة

تصمت الشوباي ودوبما  يهز الغلو في الماء باش ينحي الكشكوشة والحمورية وما يفسدش لون المرقة

قلي البصل والجلبانة والشوباي وبعد زيدو كعيبة طماطم خضراء وشوية طماطم معجونة وخليها تطيب وفوحها بالملح والفلفل مرحي والكركم والملح والبسباس المرحي وارمي كعيبة بطاطا و وكيف تطيب وتقر زيتها أرمي فرين فلفل أخضر وبعدين زيد أقلي  فلفل وزين الصحنات وتأكل بالشفاء

 

سلاطة غلال البحر

سلاطة غلال البحر
تصمت القرنيط والكالمار والشوباي بالملح والقارص
تصمتالكروفات صحيحة شوية بالملح والقارص وقطيرة زيت
تحط في الصحن وريقات سﻻطة وبعد تقطع سﻻطة وطماطم وبصل وتخلطهم وتعمل شوية غﻻل البحر مقطعين وشوية سﻻطة وبعد ترش الطبقة الاخيرة وتزين بالكروفات
تخلط زيت زيتونة وشوية ملح وشوية قارص وفلفل اكحل وتصبهم على السﻻطة وتاكل بالشفاء

قلاية دجاج

تحط الدجاج في الماء والزيت والملح والفلفل الاكحل والكركم وعلى طرف المغرفة طماطم معجونة أو بلاش وشوية زنجبيل وخليهم يغليو لين تشيح وتقر زيتها رش كروية وفقر عضيمة وزين الصحنات بالمعدنوس والبصل واقلي الفلفل وبالبطاطا

شربة مفورة بالعلوش

شربة مفورة بالعلوش
تحط اللحم في الماء والزيت يغلي وزيدو بصل وطماطم معجونة وفلفل اكحل وملح وكركم وفلفل مرحي يعني كل شيء في الماء
ناخو الشربة ونحط عليها قطيرات زيت وكركم ودوبما نبل يدي بالماء نخطها ونحطها تفور
وفي نصف الطياب نتريها بالمرق مرة
نصمت الحمص وحدو في ماء ماجل وكيف يطيب نحطلو ملح وكركم
نصمت السفناريا بالملح والكركم ونزيد شوية فلفل اكحل
وبعد نسقي ونزين الصحنات