مقرونة بالمرقاز

مقرونة بالمرقاز
صمت 4 طماطم الخضراء وترحيهم
وفي طنجرة تقلي بصلة والمرقاز شوية وبعد تزيد مغرفة كبيرة طماطم معجونة وتقليها معاهم وبعد تحط الطماطم المرحية والكركم والثوم والتابل والملح وتمرق وتزيد الفلفل المرحي والرند والفلفل الاكحل وقرين فلفل اخضر وتخليها تغلي لين تطيب
تصمت رطل مقرونة
وتخلط
وتاكل بالشفاء

كسكسي رأس العام الهجري

كسكسي راس العام بالقديد
هذه وصفتي في تطيب الكسكسي على خاطر مانحبوس الكسكسي الاصفر وممكن تزيد أو تنقص الطماطم حسب رغبة أفراد العائلة وإن شاء الله عامكم مبرووووك
( من الارشيف )
اصمت الفول وحدو بالقارص وقت إلى يطيب زللو زيدو ملح وفلفل أكحل وكركم
تصمت الحمص وحدو وقت إلى يطيب زيدو ملح وفلفل أكحل وكركم
بل الزبيب بالماء الساخن وبعد خلطو مع الحمص الطايب
أصمت العضم بكعيبة ملح باش يتقشر فيسع
أقلي قرينات فلفل اخضرلعشاق الفلفل المقلي
صوص الكسكسي :
طماطم معجونة وزيت وكركم وفلفل اكحل وفلفل مرحيو بصلة صغيرة قطعها جويدة وقديد :عصبان ومرقاز ولحم ( أغسلو كان القديد متاعك مالح )
ماتحطش ملح في الصوص
وتزيد طمطومة خضراء
قريّن فلفل أحمر
في المهدية يرميو وريقة سلق باش العام يجي أخضر أما في المناطق الاخرى بلاش على خاطر يطيبوه ليلة رأس السنة
سقي الكسكسي
وزينو

الشبتية

خليط الشبتية : لحم وكبدة وقلب ومعدنوس و بصل وفلفل أكحل وكركم وملح وتابل طمطومة خضراء فلفل مرحي قطيرات زيت فرينة وعضم وشوية خبز مرحي وممكن تزيد شبت
الصوص : بصل وطماطم معجونة جلبانة او لوبيا كركم ملح تابل فلفل أكحل وفلفل مرحي زيت وبطاطا
تخلط الخيط وتلف الكعاب في الفرينة وتقلي وبعد ترميها في الصوص

مقرونة بالقرنيط

مقرونة بالقرنيط
تغلي الماء وتحط فيه القرنيط ودبما يغلي وتتنحى الكشاكش وهاك الحمورية خرجو واغسلو
وتاخو طنحرة تحط فيها بصلة صغيرة وزيت زيتونة والقرنيط وقليهم وزيدهم مغرفة كبيرة متاع تطيب طماطم معجونة وهرس راس ثوم مع بسباس مرحي عربي وامرق وزيد ملح وفلفل مرحي ومغرفة فلفل احمر مهرس ووريقة رند وخليها تغلى حتى يطيب القرنيط
اصمت المقرونة وسقيها كيف تقر الصوص زيتها واقلي قرينات فلفل
زين صحناتك وتاكلو بالشفاء

كاب كايك

تأخو 4 بيضات بحرارة الغرفةو كأس سكر تركضهم بالباهي وتزيدهم مغرفة صغيرة جيلك وتركض وبعد زيد كأس حليب وكأس زيت و 3 كيسان فرينة و 1 خميرة قاتو

مفيدة حمزة

خبزة فاكية

ننصحكم  تستعملو الجيلك في القطو او كايك بصراحة تنجح القطو وما تهبطش كيف تخرجها من الفور وتبقي ديما مفوجة اما بالنسبة الروسات تأخذ واكيد حسب الطبق اللي عندك وانا مثلا الكبر هاذاكة استعملت خمسة عضمات عليهم ستة مغارف سكر وباكو فاني تركضهم بالباهي وتزيهم مغرفة صغيرة جيلك وتزيد تركض ما تقلقش من التركيض حتي تولي كيف الكريمة تزيدها ستة مغارف فرينة وتحطها في الطبق اللي يكون فيه ورقة الكويسون باش ما تلسقش القطو وتطيبها في الفور وهذي بالنسبة للجينواز الفاني ومن بعد تحضر للجينواز اللي بالكاكاو هي نفس كمية الجينواز الفاني اما تعوض زوز مغارف فرينة بزوز مغارف كاكاو وبعدما تطيب تشق كا واحة علي اثنين وتكون حضرت شحور خفيف عبارة علي ماء وسكر تغليهم شوية علي الغاز وكل شطر تسقيه شوية بالشحور وتحط مرة طبقة بيضاء مرة طبقة بالكاكاو بين الطبقة والطبقة كرام شانتي تركضه وتزيده الزبدة وروح البوفريوة وإذا عندك فاكية ترشها بعدما تحط الكرام شانتي وكيف تكمل تدهنها الكل بالكرام شانتي وتزين كيما تحب

مفيدة حمزة

غريبة حمص

غريبة حمص
رطل حمص مقلي ومرحي جويد برشا
175 غ سكر محور
100غ نشا
200 غ زبدة
وكمل اعجن بزيت الزيتون
الروسات هذه من غير فرينة وماتطلعش كمية كبيرة اما بنتها موش عادية
جربوها وقولولي

طاجين الباي

هذه الوصفة كما كتبتها الصنافة سيرين التبسي
escalope tayeb fi chwaya me wfawahtou melh felfel akhel korkom zaatar wchwaya zebda wbasla kif ytib terhih wtaksmou sur 2
1err couche: chtar l escalope maah un œuf fromage râpé chwaya melh wthotou fi Pyrex beurré wdakhlouh pendant 15 min à 180degre
2eme couche: le reste d escalope maah épinard ( déjà sautée fi zebda linysayeb meh ) et 2 œufs. Enfourner 15min a 180degre aussi
3eme couche: 250g ricotta 2 blancs d œufs fromage râpé et mozzarella et 1cac farine enfourner 10min presque à 180 3inek mizenek
4eme couche pistache haché wsahha liko

لفت

تقطع حزمة لفت + 2 حزمات سلق بعدما تغسلهم وتزيدهم حمص وفول ولفت رؤوس قطعو وغليه في ماء ماجل او ماء صافية باش يطيب فيسع وكيف قريب ينزح في الماء متاعو فوحو بمغرفة طماطم معجونة وطمطومة خضراء ومغرفة فلفل مرحي وهريسة عربي وملح وراس كبير ثوم وتابل وملح وفلفل ملاحي وزيت زيتونة وخليه يغلي وحدة وحدة حتى ينزح تماما ويشيح ويطيب
فما شكون يسقطرو من الماء ويقليلو انا مانحبهاش الطريقة هذه على خاطر الفيتامينات الكل في الماء ومن الاحسن نحافظو عليه
اقلي معاه حويتة او اشوي لحيمة

باركات باللحم

 الباركات شريتهم حاضرين
وهذا الحشو :