دجاج مشوي
تصمت الدجاج في الماء وشوية زيت وتفوحو بالملح والكركم وفلفل اكحل واكليل وعتر وشوية زنجبيل وتغليه حتي يطيب
تخرجو من صوصو وتفوحو بشوية اكليل فرشكة ورشة كروية وتدهن المقلة بالزيت وخليها على نار هادية حتى يتجمر ولونو يولي ذهبي
الصوص الباقية كيلها قداش من كاس ونصف الكمية عبيها بالارز مثال :
2 كيسان صوص وكاس ارز وغطيهه ومن الاحسن في التيفال او السيراميك باش يطيب من غير ما يلصق
وبعد زين الصحنات بالمعدنوس والقارص
باتي دياري
بالنسبة للبات شريتها حاضرة من عند patisserie
الحشو : تسوتي بصلة صغيرة في قطرات زيت وبعد تقلي مكعبات بطاطا صغار وتزيدهم عضمة مصموتة قطعها جويدة و100 غ جبن قرويار 2 جبن مثلثات وبيضة كاملة وخلط الكل بالباهي
حل البات تقريبا 3 مم واقسمها مربعات 8صم /8صم وحط الحشو وبعد اطويها
ادهنها باصفر البيض
رش سينوج
وطيبها في الفرن على 180 °
وفي الاخير شعل عليها الفور من الاعلى باش تتجمر وتجيك مزيانة
ببوشة محشية دون فرن
تاخو 400غ لحم مفرومة وبصلة وتسوتيهم في شوية زيت وتفوحهم بالملح والكركم وفلفل اكحل وتابل وسنة ثوم وصب عليهم رشة ماء وغطيهم يطيبو على نار هادية حتى تنزح من الماء
وفي طنجرة اخرى :
تسوتي بصلة ومعاها طماطم خضراء مصموتة ومرحية وبعد تفوح بالملح وتابل وثوم وفلفل اكحل ورند وفلفل مرحي وتمرقها وتخليها تغلي لين تولى عاقدة شوية تطفي عليها
تحط ماء وملح وكيف يغلي ارمي كعيبات الببوشة و2 دق وخرجهم بالسياسة المهم يكونو مازالو شادين رواحم وما تحلوش
تحشي بالكعبة بالكعبة وترصفهم في طنجرة القرانيت الي فيها الصوص وبعد رش عليهم بالكعبة بالكعبة شوية جبن برموزان او فوندون واخيرا موتزارلا ( انظر الصور )
وغطي الطنجرة وحطها على الغاز على نار هادية برشا من غير ما تحركها وكيف تشيح وتشرب صوصها سربي في الصحنات وتاكلو بالشفاء
هذه المكونات تونسية
حاجة وحدة كان تحب تبدل 2 كرام فراش بواحدة مسكربون
باكو ستار
باكو كويستو
4 petit suisse طبيعي
100 غ زبدة
4 ابيض البيض
2 مغارف فرينة
1 فانيليا
2 كرام فراش
كاس سيتروناد 400مل
3مغارف نشاء
سكر
ترحي البشكوتو وتزيدو الزبدة مذوبة وخلطو وحطو في الطبق و5 دق في الفرن دوبما يسخن
تركض 4 ابيض البيض فقط مع 2 مغارف سكر و1 فانيليا حتى يولى الخليط ثلجي
وتزيدو الاجبان وpetit suisse والكرام فراش والفرينة وتخلطهم بالباهي وتصبهم على طبقة البشكوتو وتحطها تطيب في الفرن
رد بالك ماتخليش البشكوتو يتحرق في نصف الطياب شعل الفرن من فوق وهبط الطبق الي الاسفل وكيف يشد روحو اطفي وخليها 5 دق باش تصمل
طيب كريمة السيترون :
صب السيترون ومعاه 2 مغارف سكر 3 مغارف نشا وحرك وكيف يتخلط بالباهي طيبو وصبو على الشيز كايك برفقوخليها تبرد ساعة في الثلاجة وبعد زينها كيما تحب
