كوكتال قوارص وفراولو
تعمل عصير برتقال وقارص :
4 كعبات قارص و 2 كعبات برتقال
تغسلهم بالباهي وتقطعهم وتنحيلهم القلوب وبعد تعصرهم بشوية ماء في الروبو وتصفيهم وبعد تزيد رطل سكر وذوق انت والحلاوة الي تحبها وكان جاك قوي برشا زيد ماء
وبالنسبة للفراز :
تعصر في الروبو رطل فراز عليه كاس صغير ماء ومغرفة زهر ومغرفة سكر المهم يكون قوي
صب في الكوب العصير وبعد صب عصير الفراز برفق توا يطلع لفوق وبعد بالبوش زين بالكرام شنتي
مصلي بالسكمري
تقلي بصلة في الزيت وبعد تمرق وتزيدها ملح وفلفل اكحل وكركم و3 سنات ثوم وتابل ونصف مغرفة قهوة طماطم معجونة وخليها تغلي وفي طبق الفرن رصف البطاطا والفلفل والطماطم والحوت المفوح بالتابل والثوم وحلقات قارص وبعد صب عليهم الصوص الي حضرتها وحطها تطيب في الفرن
زين الصحنات بالمعدنوس والبصل 
بريكة بالشوفرات
تسوتي الشوفرات والبصل وتفوح بالملح والفلفل اكحل وتزيد معدنوس واقلي على نار هادية
تفوح الوراطة بالملح والكركم والزيت والفلفل الاكحل وتخليها تبنان وبعد تشويها وتبلها بالزيت والقارص
قاتو قلاسي بالشكلاطة
تذوب 200 غ شكلاطة و50 غ زبدة في حمام مائي
تدهن القوالب السيلكون بالشكلاطة وتبردهم في الثلاجة وبعد عاود ادهنهم مرة ثانية باش مايتكسروش كيف تحط فيهم الحشو
الحشو :
200غ لوز مرحي
وباقي الشكلاطة زيدو علبة كرام فراش
باكو ستارت هروشو وخلط الكل مع بعض وكان ماتعجنش كمل بالنستليه
وعبي القوالب وحطهم يبردو في الثلاجة
وبعد سايس الكعاب وخرجهم من قوالب السلكون
وتاكلو بالشفاء
تاخو 100 غ شكلاطة تذوبها في بان ماري مع مغرفة زبدة وتدهن بيها القوالب وتخليهم يبردو ، وترحي باكو بشكوتو وتزيدو 100غ لوز مقلي أو فاكية الموجودة عندك ومغرفة سكر محور وتاخو حكة كرام فراش تسخنها وتزيدها شوية شكلاطة 100 غ وكيف يذوبو صبها على البشكوتو وخلط وبعد حط في المول ورجعها تبرد في الثلاجة وكيف تبرد نحيهم من القوالب وتاكلو بالشفاء
ابتسام
ثاومة بسمك البوشكارة او lotte
تصمت السمك شوية في شوية ماء باش تنحي بعدين السلسول وتمرق بالماء هذاكا
تقلي في طنجرة تيفال مغرفة طماطم معجونةو تزيدها مغرفة هريسة عربي دياري ثم تضيف الراس ثوم مهرس وشوية تابل وتمرق بالماء متاع الصمتان
وتسبل القطيعات بالسياسة وتزيدهم ملح وفلفل اكحل وفلفل مرحي وكركم وكروية وتخليه يشكشك حتى تولي الصوص خاثرة رش عليها شوية كمون واطفي
اقلي كيف العادة بطاطا وفلفل وزين الصحنات
