تارت بالغلة

عجينة التارت : 300غ فرينة
150 غ زبدة
1/2 كيس خميرة قاتو
بيضة
مغرفة ماكلة سكر
ملح
وتكمل تعجنها بالحليب خليها ترتاح 15 دق وبعد حلها عادى وانفبها بالفرشيطة وحط كعيبات حمص وطيبها في الفرن (انظر الصور) باش ماتفوجش البات ، كريم موسلين : نصف لتر حليب غليها ركض 3 فصوص بيض ومغرفة كبيرة سكر محور و1 سكر فانيليا وبعد زيدهم 2 مغارف نشاء وصبهم شيئا فشيئا على الحليب المغلى مع التحريك بردها وبعد زيدها 100غ زبدة وركض الكل حط الكريمة في التارت ، تعصر كأس عصير برتقال وتزيدو مغرفة نشا وتطيبو على نار هادية وحطو فوق الطبقة متاع الكريمة الباردة وخليها تبرد في الثلاجة ، وبعد رصف الغلة بعدما تدهنها بالقارص وادهن بالناباج التارت والغلة

شكشوكة بطاطا وسردينة مقلية

صمت كعبتين بطاطا في شوية ماء وملح ، وفي طنجرة تيفال تقلي 5 كعبات طماطم و6 سنينات ثوم مقطعين حتى يطيبو زيدهم محكار مغرفة صغيرة متاع قهوة طماطم معجونة وقلي وبعد قطع فلفل أخضر وارميه ودوبما تحركو زيدو البطاطا المصموتة وتكون طايبة والماء متاعها شوية ورش الكروية وكيف تغلي فقر العضم وارمي قرينات فلفل ملاحي وفلفل أخضر مقلين وغطيها حتى تطيب

بالنسبة للسردينة فوحها بالملح والكمون والكركم واقليها

بسكوي بالتمر

450 فرينة ،200 غ زبدة ،60 غ سكر محور ، 120 مل ماء مع ماء زهر ،رشة ملح ‘1 فنيليا
للحشو :300 غ تمر شوية قرفة ،م ك زيت ،م ك ماء زهر (اختياري)
نخلط كل المواد الجافة بعد نزيد الزبدة تكون طرية ونخلطهم مليح ونضيف ماء الزهرو نخلط لين نتحصل على عجينة طرية ومتجانسة و نخليها ترتاح الوقت الى باش نحضر فيه التمر
نفور التمر شوية و نزيدو القرفة والزيت ونخلطو و نحل العجينة بالقلقال تكون جويدة و و نحط التمر ونلف لفة ونصف ونقص وبعد نقصو صوابع ونزين بملقط الحلو و نحط في طبق على ورق الفرن و نطيبو على 180 د من 20 الى 30 دق كيف نخرجو نرش السكر محور

نزهة

سفافد دجاج

تقص السكالوب مربعات والفلفل الوان (أخضر اصفر احمر) زادة كيف كيف و البصل مادبيك الأحمر..تحطهم الكل في صجفة و تزيدهم (ملح فلفل أكحل كليل زعتر و 2سنون ثوم كبار مهرسين ومغرفة اكل عسل و تخلط الكل ما بعضو..و من بعد تاخو البروشات وتحط البصل-سكالوب-فلفل…الخ ومن بعد سخن الزيت في الطاوة و عرجو وصحة و بالشفاء لك….يا سامية من المستحسن الماريناد اعملو قبل حتى بتلاتة ساعات و حطو في الفريجدار باش يتبنن

هاجر صالح

كمونية بالدجاج

روسات الكمونية تحط زيت وتقطع راس بصل وتزيدهم دجاج وكبدة مقطعين صغار (بالنسبة ليا عندي صدورة متاع دجاج ) تمروجهم وتحط عليهم مغرفة قهوة تقريب كركم وملح وفلفل اكحل وتابل وثلاثة سنون ثوم مخرفشين وبعد حط مغرفة ماكلة طماطم معجون وزوز مغارف ماكلة هريسة دياري وفلفل مرحي تمروجهم وتسقي بالماء السخون وتخليه يطيب لين تعقاد وقبل ما تهبط نحط مغرفة قهوة كمون تغلي دقيقتين وتهبط وتقطع شوي معدنوس وبصل جويدة وتقلي شوية بطاطا تزينو بها

عفيفة واجة

مقرونة زعرة بالاسكالوب

 

حطيت زيت وقليت فيه بصلة والاسكالوب بالباهي وبعد رفست 4 سنات ثوم وزدت قصيت قرن فلفل طروف صغار وكعبة طماطم قصيتها جويدة وزدت كركم وملح وفلفل أكحل وبعد شوية صبيت كأس ماء وخليتهم يطيبو بالباهي وصمتت مقرونة وكيف الصوص طابت زدت فيها شوية زبدة تبنان وحطيت كرام فراش ومعدنوس مقصوص وجبن برميتجانو وجبن آخر مرحي وخلطت مع المقرونة وصحة وبالشفاء

سنية دادة

 

العجينة المورقة بالبيت

العجينة المورقة
1 كغ زبدة خاصة بالتوريق
2 كغ فرينة مغربلين
2 فناجل زيت نباتي
ماء بارد + ملح
الطريقة : تعجن العجينة بالزيت والفرينة والماء والملح وكيف ترطاب تحلها وتحط في الوسط قالب الزبدة كامل
تطويهاوتحلها
تعاود تطويها
المهم 4 مرات
بالنسبة milles feuilles يلزم 6 طيات
خليها ترتاح بين الطية والطية 15 دق في الثلاجة
الاستعمال يكون بعد 5 ساعات على الاقل تكون ارتاحت بالباهي

عين سبنيورية بالداند

عين سبنيورية بنة عالمية
انا استعملت ستاك داند بعد ما نظفتو بالقارص و شللتو بالماء فرمتو و انتوما تنجمو تحطو اي نوع متاع لحم و ( على فكرة اللي يحب القوي ينجم يحط مقدار شوية لية قد الفولة و هذاكا سر العين سبنيورية الاصلي )و فوحتو ب4 سنون ثوم و شوية ملح و فلفل اكحل و كركم و فلفل زينة و نعناع شايح مقدار مغرفة و شوية زنجبيل و و شوية زيت زيتونة و تخلط و بعد تاخذ و رق الالومنيوم و تحل اللحم فوقو بيدك و تصفف كعبات عظم طايب و مقشر و تلف عليهم اللحم و تلف الالومنيوم حتى يتغلفو و تحطهم في قدرة فيها ماء و زيت و شوية بصل و طماطم مقصوص دوائر و مفوحة ملح و فلفل اكحل و كركم و اكليل و رند و تخليها تغلي مدة نصف ساعة حتى يشد روحو اللحم و بعد تحلو و تدخلو للفرن و معاه بطاطا تكون قليتها و تحمرهم بالنار الفوقانية و بعد تقصهم جراير و تقدم معاهم البطاطا . و المرق الي طيبتهم فيه تقدمو معاه وبالشفاء
كلثوم

 

كعابر الشكلاطة

ماء وقهوة نخلطوهم مع بعضهم ،باكو بسكوي ،4طوابع شوكولا وبنان
تاخو البسكوي تهرسو وبعد تزيد عليه القهوى الي خضرناها تخط بشوية بشوية لين تولي كيف البات (عجينة) وبعد تقطع البانان وبعد تذوب الشوكولا في Bain-marieو ردو بالك يدخل الماء لل شوكولا
وبعد تاخو القوالب سيليكون وتبدى تحط شوية شوكولا وبعد دورة بنان وبعد بسكوي والفل الأخر تحط شوكولا وتحطها في بيت الثلج مدة ساعة

عفيفة واجة

خبز أسمر

350 gr de farine, 150 gr de son (نخالة), 1 verre de thé d’huile de maïs ou d’olive comme vous voulez, 1 sachet de levure dilué dans de l’eau tiède avec 1cc de sucre ( faire monter la levure avant de l’utiliser), 1 yaourt nature et 1 œuf + un peu de lait , des graines de votre choix(سينوج، بسباس، زريعة كتان ، قلوب عُبَّاد الشمس)
Mélangez huile, farine , yaourt , son et levure, un peu de vos graines ..pétrissez ,laissez monter la pâte . Ensuite mettez dans des moules et laissez monter encore une fois. Badigeonnez vos pain avec le mélange œuf et lait ensuite garnissez vos pains avec les graines de votre choix.Enfin mettez au four :180/200 degrés.

جودة اللمطي

نواصر بالعصبان

النواصر سنبلة ذهبية تبلها بالزيت والكركم وتحط في الكسكاس يتفور بعدساعة ملي يغلي المقفول الي حطيت فيه شطرو بالماء وزيت و كركم وفلفل اكحل وفلفل احمر مرحي وملح مقدار مغرفة قهوة حسب التقريب وبعد سقطت اللحم والعصبان وخليتويتهدى وزدت السفنارية والبطاطا والحمص طيبت وحدو كيف الصوص اخثارت وطاب اللحم والعصبان سقيت النواصر في البلاتو وجمرتو في الفور وتاكلو بالشفاء ان شاء الله فهمتوني 😍😍😍

عفيفة واجة

مرمز بالبقري

تاخد اللحم بقري تقليه مع البصل مقطع و تفوح فلفل اكحل وملح وكركم و تابل و تخليه يتقلى على نار هادية و بعد ترمي كعبتين طماطم اخضر وتخليهم يتقلاو و تحط 2مغارف طماطم معجون والفلفل مرحي والحمص و تمرق بماء سخون و تخليه يغلي على نار هادية و الا تسكر عليه الكاكوت و كيف قريب يطيب تقطع زوز رؤوس بصل و ترميهم و زوز قرون فلفل وتخليها تغلي شوية لين تطيب و كان تحب تقلي قرون فلفل وبطاطا

نزهة