كسكسي بالبسباس

تقطع البسباس وتحطو يفور وفوقو الكسكسي
الصوص : تقلي بصل وطماطم معجونة وطماطم شريحة وهريسة عربي او هريسة حانوت الي عندك وبعد تمرق وتزيد راس ثوم مهرس وكروية وملح وكركم مغرفة مليان فلفل مرحي وفلفل ملاحي وفلفل بر العبيد
وكيف يطيب الكسكسي ويكون خلطو مع البسباس وعاودت فورتو سقيه بالمرق
واقلي حوت الموجود عندك

فلفل محشي

تأخو لحم مفروم وشوية زيت وتقطع شطر بصلة وتقليهم بالباهي وملح وفلفل اكحل وهريسة عربي وتقليهم مليح  وتزيدهم شوية معدنوس وجبن مرحي وعضم وتخلطهم بالباهي احشي الفلفل  وبعد أقليه على نار هادية ، وطيب صالصة بالطماطم الكعاب مرحية وشوية طماطم معجونة وهريسة عربي وسنون ثوم وشوية تابل وفلفل أكحل وملح

ريم المنزلي

كسكسي بالدجاج

تبل الكسكسي بشوية زيت وكركم
تحضر الصوص عادية : تقلي بصل ودجاج في الزيت وامرق وتزيد طماطم وفلفل مرحي وكركم وملح وفلفل أكحل وبسباس مرحيو وشوية إكليل
وتحط الكسكسي يفورثم تهبطو وتريه بشوية مرق وبعدين ترجعوعلى النار
كيف يطيب سقيه وخليه يتشرب

اصمت الحمص وحدو وفوحو بالملح والكركم وفلفل أكحل

أقلي الفلفل

وزين الصحنات متاعك أو الصحفة

كسكسي قمح بالدجاج العربي

تقلي الدجاج وبصلة وبعد تزيد طماطم خضراء وطماطم معجونة وطماطم شريحة وتمرق وتزيد بسباس مرحي وفلفل اكحل وكركم وملح وفلفل مرحي
وكيف يغلي المرق أرمي الحمص طايب وسفناريا وقرع أخضر كان تحب
تبل كسكسي القمح بشوية زيت وكركم وماء وتحطو يفور
وفي التوفيرة الثانية تريه بالمرق ورجعو يفور
كيف يطيب سقي وأقلي الفلفل

مثاومة رأس علوش

تصمت الراس حتى ينحي الكشاكش متاعو وبعد تسقطرو وتعاودلو ماء آخر وتغليه وتزيدو ملح وتابل وتخليه لين يطيب تنحيلو العضم إلي فيه وتاخو طنجرة وتحط فيها زيت و 2 بصلات مقصوصين خشان وطماطم معجونة وهريسة وتقليه وتمرق بالماء إلي طاب فيه الرأس وتفوح بالملح والتابل والفلفل الأكحل والثوم وكعيبة بطاطا وقرين فلفل أخضر وبعد ترمي لحمات الرأس وتخليه ياخو غلو والمرق يقر زيتو

ريم المنزلي

كعابر سبناخ محشية بالموتزارلا وشربة عدس

كعابر السبناخ :تسمط السبناخ في شوية ماء فيه الملح وما تكثرش الماء خاتر السبناخ يطلع ماه
و بعد تعصرو مليح وتقطعووتحط عليه 2مغارف زيت 3مغارف خبز مرحي وثلاثة مغارف ك فرماج مرحي وفلفل اكحل ورشة جوزة الطيب وبيضة تنجم تحط قوتة كان عندك انا معنديش عملت بلاش وبعد تاخد كعبورة صغيرة تحلها شوية وتحط فيه قطعة مودزرلا وتسكرها وبعد تحطها في الخبز مرحي تكمل الكل بنفس الطريقة وتسخن الزيت وتقليهم

شربة العدس: تقلي بصلة ،كعبة طماطم خضراء و مغرفة طماطم معجون ،فلفل اكحل ،كركم،بسباس،فلفل مرحي،ملح وتمرق بماء سخون وترمي كاس عدس يكون مرحي و تسكر عليه الكاكوت 10 دقايق

نزهة

كفتة بالنازلي

كفتة بالنازلي او مانسميه زادة merlon

مكونات الكفتة : نازلّي مصموط ومسبل بصل مذبّل في شوية زيت ومعدنوس وملح وفلفل اكحل وكركم وفلفل مرحي سنينة ثوم شوية هريسة عربي وتابل و2 مغارف كبار فرينة ومغرفة خبز مرحي و2 عضم وتخلط المكونات بالباهي وبعد تلفهم في الفرينة وتقليهم على نار هادية
الصوص : 
تقلي بصلة صغيرة وكعيبة طماطم خضراء وبعدتزيد مغرفة طماطم معجونة وتمرق
وتفوح بالملح والكركم وتابل وفلفل اكحل وفلفل مرحي وترمي كعيبة بطاطا او اقليها كيما تحبوارمي كعيبات الكفتة يغليو واخيرا بين صوابعك كمون ماتكثر وقرين فلفل اخضر

قاتو البرتقال

نغسل زوز برتقالات و تقصهم بقشورهم و تنحيلهم القلوب و بعد ترحيهم بالميكسار و تركض 6بيضات و كاس و نصف سكر تركضهم مليح حتى يبياضو و تزيد كاس زيت قطانيا و تخلط المكونات الكل و تزيد الفرينة بالعين تقربب 250 غ و باكو و نصف خميرة قاطو حتى تتحصل على خليط خاثر تدهن قالب 25 /35صم بالزبدة او بالزيت و تصب الخليط و ترش الجلجلان و تطيب 30دق على 175 درجة

كلثوم بالحاج