10 ل حمص
10 ل قمح
1 لتر تابل
1/2 ل حبة حلاوة
1/2 بسباس
وتقريبا 20 غ حلبة
تتقلى على نار هادية وبكل حب باش تجي صفراء ومزيانة وبنينة 
🙋
❤
وسكر قدر الحاجة
نخلطوها بزيت الزيتونة ونزينوها بالشامية واللوز والبندق والفزدق والبوفريوة المقلية
أحنا أكثر حاجة نكنجلوها ونستحقوها للصيف هي الجلبانة والسفناريا والبروكلو والفول الاخضر والبسباس والقنارية والقناوية :
بالنسبة للجلبانة والفول :
اغسلهم بالباهي وبعد حطهم يفوّروا 10 دق مغطين ثمّ خليهم يبردو مغطين ونحيهم من فوق الماء يعني يشيحو من ماهم وحطهم إما في أكياس خاصة بالحفظ أو في علب بلورية معقمة ( أي غليها مسبقا ومن غير ماتحلها ) وبعد حط فيها الفول والجلبانة
بالنسبة للسفناريا والبروكلو :
أغسلهم بالباهي وقطع السفناريا حلقات أو في شكل أعواد والبروكلو في زهرات فورهم نصف طياب وبعد تجففها وبنفس الطريقة وتحطهم إما في علب معقمة أو اكياس خاصة بالحفظ
القناوية :
اغسلها ونحيلها الرأس متاعها برفق والطنقورة من الاسفل وبعد حطها على نار ودوبما تغلي هبطها وصفيها وصب عليها الماء البارد باش تبقى خضراء وحطها مباشرة في أكياس الحفظ في الكونجيلات
القنارية :
تقشر القنارية وينزع الأوراق والزغب الداخلى
توضع القنارية مباشرة فى ماء به عصير ليمون حتى لا يتحول لونها الى السواد
( كيف توفى من واحدة نضعها سريعا فى الماء بالليمون )
نضع القناريا فى مصفاة مع اضافة ملعقة كبيرة عصير ليمون وملعقة ملح
حضر اناء فيه ماء وملح
وقت إلى يغلي غطّس المصفاة التى بها رؤوس الفناريا وخليها تغلى لمدة 6 دقائق
يرفع من على النار وتغمر فى الحال فى اناء به ماء بارد
لمدة دقيقتين للمحافظة على خواصها الطبيعية
ترفع المصفاة من الماء وتبقى حتى تتخلص القناريا من الماء وتجف تماما
ثم تحفظ في أكياس خاصة في الكونجيلات
سامية بنور
اقلي قرينات فلفل في الزيت وبعد خرجهم وقلي اللحم وبصلة على 4 وحمص وطماطم وهريسة عربي وشوية ماء وفوحت بالملح والفلفل الاكحل والتابلوبليت الديويدة بشوية زيت وملح وحطيتها تفور وكيف قريب يطيب اللحم زدت الخضر والخرشف والسفناريا وبطاطا وكملت فورت وكيف طاب الكل زدت شوية فلفل أكحل في الدويدة وسقيتها وحمرتها شوية على نار هافتة فوق الغاز
ريم المنزلي
سلاطة البحر
قرنيط شوباي أو كلمار شفرات بلح البحر
طريقة التحضير
بعد غسل القرنيط والكلمار أو الشوباي انغلي الماء ونضع الملح كعبه قارس في نصفين وقليل من أوراق الرند
انطيب الكلمار أو الشوباي أولا حتى يحافظ على لونه الابيض انخرجوه و انطيب القرنيط بعد ما اطيب انخليوه يبرد ملاحضه الأكل يوضع في الثلاجة بعد ثلاث ساعات من الطبخ حتي لو كان مزال سخون
بعد 2 ساعات انخرجوه وانقطعوه
ملاحظه نحطوه في الثلاجة باش كي اتقطعو الجلده ما تلسقش في اليد وينسلخ
انحضر السفناريه مبشوره والكلافس امقطع جويده نسمط الكرفات في الماء انقشروها انسطيو بلح البحر حتي يفتح
انخلط كل المكونات مع بعضها انضيف الملح الفلفل الاسود وثلث من عصير القارس وثلاثين من الزيت انخلط بيهم السلاطه ونتركها ترتاح حتي تشرب القارس والزيت
ملاحظه عنا في تونس الكثير يسلخ القرنيط هذا غلط لأن بنت القرنيط في الجلد يتركه طري من الداخل بشفاء والهناء
الشاف فرج سعيد
پيتزا باذنجان بالشيفريت بنينة و خفيفة ومن غير عجينة الريسات ساهلة ،،، تقطع الباذنجان دوائر و ترصفو في الطبق و تحط فوقو الصوص و تزينها بالشيفريت و الزيتون مقصوص و شوية جبن و تدخل الكل للفور
رجاء علاية
سباقتي عش العصفوره
انقليو اللحم المفروم مع الفطر والبصل ملح فلفل اسود فلفل حار بعد انضيف الطماطم شويه ماء ساخن الصوص تكون متماسكه نسمط السباكتي بعد انشكلها في شكل دائري مع وضع قليل في الوسط نضع الصوص الجبن المتوفر عندكم والبشملا بعدين في الفرن لقليل من الوقت
فرج سعيد
الطبقة الاولى باكو بسكوي مرحي مع 50غ زبدة ذائبة تطرحه في البلاتو وتحطو يبرد ، الطبقة الثانية نصف لتر حليب مع كيس فلان شوكو و 3 مغارف سكر و3 مغارف نشاء تطيبهم على نار هادية وكيف تطيب زيدها ياغرتة كرام ديسير شوكو وصبها على الطبقة الاولى وخليها تبرد في الفرن ، الطبقة الثالثة هي نفس الطبقة الثانية ولكن بدل ذوق الفلان والكرام ديسير ، الطبقة الرابعة كأس ماء ووحدة فلان شوكو ومغرفة نشاء ومغرفة سكر ومغرفة كاكاو وتطيبها على نار هادية وصبها برفق فوق باقي الطبقات الباردة وخليها في الثلاجة تبرد وبعد قصها
كعك بالتمر : المقادير _ كغ فارينة _ 4بيض_ 2خميرة _ كأس كبير زيت زيتون مع زبدة _ 3ooغ سكر _ بشور ليمونة _ تمر مرحي _ أصفر بيضة مع ملعقةزبدة دائبة لدهن الكعك .
سعاد البقلوطي
