سلاطة نشوبة

تقطع جويد : فجل وخيار وبصل وطماطم وقرن فلفل وتفوح بالملح وقارص وفلفل أكحل ونعناع شايح وتحط فوقها النشوبة وتزين الباقي كيما تحب

تارتولات بالغلة

عجينة التارت : 300غ فرينة 150 غ زبدة  ، 1/2 كيس خميرة قاتو ، بيضة ، مغرفة ماكلة سكر، ملح
وتكمل تعجنها بالحليب خليها ترتاح 15 دق وبعد حلها عادى واستعملي قوالب صغار وانفبهم بالفرشيطة وحط كعيبات حمص وطيبهم في الفرن (انظر الصور) باش ماتفوجش البات ،

كريم موسلين : نصف لتر حليب غليها ركض 3 فصوص بيض ومغرفة كبيرة سكر محور و1 سكر فانيليا وبعد زيدهم 2 مغارف نشاء وصبهم شيئا فشيئا على الحليب المغلى مع التحريك بردها وبعد زيدها 100غ زبدة وركض الكل حط الكريمة في التارتولات  ، وبعد رصف الغلة بعدما تدهنها بالقارص وادهن بالناباج التارت والغلة

كورنوات بالجبن

تاخو كاس ماء دافئ وتزيدو 1 خميرة فورية ومغرفة ص ملح و2 مغارف صغار سكر ومغرفة ك خل و2 مغارف ياغورت طبيعي و1/4 كاس زيت او زبدة
خلطهم بالباهي وبعد زيدهم فرينة حتى تتلم العجينة وخليها تتخمر
وبعد حل العجينة وقصها شرائط ولفها على قوالب الكورنوات وبعد ادهنهم باصفر البيض وطيبهم في الفرن
الحشو :
تقلي بصلة صخيرة مقطعة جويدة في مغرفة زيت و50غ زبدة
وتاخو كاس حليب حل فيه 3 مغارف فرينة وبعد صبو على البصل وحرك وزيد ملح وفلفل اكحل وكيف تعقد زيدها جبن وبين صوابعك معدنوس ورشة
Noix de muscade
وكيف تطيب زيدها شوية فلفل بر العبيد مقطع جويد و100غ تن وخلطهم واحشي بيهم الكورنوات الطايبين مسبقا وبعد غطسهم في الجبن

تارت بغلال الربيع

عجينة التارت : 300غ فرينة
150 غ زبدة
1/2 كيس خميرة قاتو
بيضة
مغرفة ماكلة سكر
ملح
وتكمل تعجنها بالحليب خليها ترتاح 15 دق وبعد حلها عادى وانفبها بالفرشيطة وحط كعيبات حمص وطيبها في الفرن (انظر الصور) باش ماتفوجش البات ، كريم موسلين : نصف لتر حليب غليها ركض 3 فصوص بيض ومغرفة كبيرة سكر محور و1 سكر فانيليا وبعد زيدهم 2 مغارف نشاء وصبهم شيئا فشيئا على الحليب المغلى مع التحريك بردها وبعد زيدها 100غ زبدة وركض الكل حط الكريمة في التارت ،  وبعد رصف الغلة بعدما تدهنها بالقارص وادهن بالناباج التارت والغلة

 

tartelettes au fruits

عجينة التارت : 300غ فرينة
150 غ زبدة
1/2 كيس خميرة قاتو
بيضة
مغرفة ماكلة سكر
ملح
وتكمل تعجنها بالحليب خليها ترتاح 15 دق وبعد حلها عادى واستعملي قوالب صغار وانفبهم بالفرشيطة وحط كعيبات حمص وطيبهم في الفرن (انظر الصور) باش ماتفوجش البات ،

كريم موسلين : نصف لتر حليب غليها ركض 3 فصوص بيض ومغرفة كبيرة سكر محور و1 سكر فانيليا وبعد زيدهم 2 مغارف نشاء وصبهم شيئا فشيئا على الحليب المغلى مع التحريك بردها وبعد زيدها 100غ زبدة وركض الكل حط الكريمة في التارتولات  ، وبعد رصف الغلة بعدما تدهنها بالقارص وادهن بالناباج التارت والغلة

كسكسي شمسي بالمسلة

كسكسي شمسي بالمسلة اكلة مهدوية مميزة

تقلي الفلفل وتخرجو من الزيت
ترمي بصلة مقطعة جويدة وكعبة طماطم خضراء وبعد شوية تزيدهم 2 مغارف كبار طماطم معجونة وشوية طماطم شريحة وتمرق وتفوح بالملح والكركم والفلفل مرحي ومغرفة هروس كان تحبو حاااار وبعد تزيد القرع وبصل صحيح وتخليه يغلي
تبل الكسكسي بالزيت والماء وتحطو يفور
تقشر الحوت وترش عليه شوية ملح وفي نصف الطياب اغسلو وارميه يغلي في المرق
تري الكسكسي بالمرق ورجعو يفور
وكيف يطيب سقيه وتاكلو بالشفاء

سلاطة بيتراف

سلاطة البيتراف : تقطع البيتراف وتصمتو بالملح ، وفي طنجرة أخرى تصمت البطاطا والسفناريا والجلبانة بالملح حتى تنزح وماحطش برشا ماء باش تجي قد قد وبعد حطهم في صحن التقديم ودوبما تحركهم بالسياسة ما ترفسهمش وتعمل خليط قارص وفلفل أكحل وزيت وممكن إلى يحب يزيد موتارد وتصبهم بالسياسة وتزين سلاطتك بالبيض والزيتون وشوية بصل والمعدنوس والكبار

بريكة بالعضمة

تحط تن ومعدنوس وبصل وكبار وجبن وفلفل اكحل وبعد العضمة والاطراف متاع البريكة أدهنهم بأبيض البيض باش ما تخرجش واقلي على نار هادية وفي زيت سخون باش تطيب ويبقى الفص مروب 

قاتو بالغلة

تكيل القاتوالكل بالياغرتة
تخلط في وعاء :
ياغورتة ونصف ياغرتة زيت نباتي
وفي وعاء آخر تغربل 2 ياغرتات فرينة ومعاهم 1 خميرة قاتو وتخلطهم بالباهي
تشعل الفور وتحضر الطبق تدهنو بالزيت وترش عليه شوية فرينة
وفي صحفة تحط 3 بيضات بحرارة الغرفة ومعاه ياغرتة سكر و1فانيليا وتركضهم بالباهي حتى يولي عندك خليط كريمي ومن غير ماتوقف الخلاط فقط نقص في سرعتو تزيدو خليط الياغرت والزيت وبعد زيدو خليط الفرينة
وكيف يولي الخليط متجانس صبو في الطبق وطيبو في الفرن على و 180°
وكيف تبرد بالباهي طيب كريمة : نصف لتر حليب 2 فصوص بيض و مغرفة سكر و 2 مغارف نشا وكيف تبرد زيدها 100 غ زبدة وخلطها بالباهي حتى تولي كريمة متجانسة افرشها علة القاتو وزين بالغلة الموجودة عندك وبعد زيد ادهن الغلة بالناباج وخليها تبرد في الثلاجة

فيليه سمك القاروص في الفرن

طبق اليوم
فيلي سمك القاروس في الفرن محشيه بالسبناخ والبطاطا
أولا تحضير السبناخ
انقلي السبناخ في الزبده مع قليل من الزيت وحبة ثوم ملح وفلفل اسود
تحضير السمك
بعد التنضيف والتقشير نفتح السمكه ونزع الشوك بداخلها
انقسمها لاربعه الجزاء انغطسها في الزيت بعد في الشبلير نرش شويه ملح ونضعها في الفرن
البطاطا انقطعها شرائح حسب قطع السمك زيت وملح وندخلها الي الفرن
طريقة التقديم
نضع قطعة السمك البطاطا السبناخ نكررها مرتين ومن فوق نضغ قطعة السمك الأخري

فرج سعيد

مرقة جلبانة بالعلوش

تحط اللحم يغلي في الماء مع الزيت و 2 رؤوس بصل وفي نصف الطياب تزيدو طمطومة خضراء و ومغرفة طماطم معجونة موش مليانة وتفوح بالملح والفلفل الاكحل و2 مغارف صغاركركم وتزيد 2 كيسان جلبانة ووتخليها تغلي وكيف يطيب اللحم ترمي كعيبة بطاطا وقرين فلفل اخضر وخليها تطيب لين تقر زيتها

فطيرة وشكشوكة بيتنجال

مغرفتين معدنوس و 5 بيضات ومغرفة مليانة هريسة عربي و 3 مغارف فرينة وملح وفلفل اكحل وفلفل مرحي وراس ثوم مهرس وكروية ( وكان عندك فيجل حط شوية )خلطهم بالباهي واقليهم
شكشوكة البيتنجال : تقلي البيتنجال وحدها وبعد أقلي الفلفل بعدما تحشيه بالملح والكروية
في طنجرة تيفال تقلي الطماطم الخضراء والثوم المقطع وكيف تطيب تحط عليها الفلفل المقطع و الملح والكروية وشوية فلفل مرحي وقطرات ماء وفقر العضم انا مانحبش نحط طماطم معجونة باش تبقى خفيفة وزيد ردو بالكم ماتحطوش ماء برشا دوبما ترش عليها