Sole á la sauce meunière

الصوص : تاخو تقريبا 30 غ زبدة تذوبها وتعصر عليها نصف كعبة قارص وتزيدها ملح وكركم وبعد ترش عليها شوية معدنوس وتحطها على الصول إلى تكون شويتو وتزين صحنك بإلي تحب ، بالنسبة للصوص هذه بنينة برشا وقوية

وممكن تكون مع المرلون زادة أو أي نوع من الفيليه

كويرات الأرز باللحم والجبن

تحضير الصلصه
انقلي البصل واللحم المفروم لو بتحب معاهم الفطر مفروم انضيف الطماطم معلبه الماء ملح فلفل اسود والكركم
نسمط الأرز في الماء نصف طهي وانضفوه إلي الصلصة نتركه حتي تصبح حبت الأرز طريه انضيف جبن البرمجان مبشور مقدنوس ونخلطهم
بعد الطهي نتركه يبرد بعد نشكله كويرات
تحضير البستلا
كوب كبير من الفرينه العاديه كوب كبير ونصف من الماء بيضه ملح نخلطهم مع بعض يجب أن تكون البستلا لا خاثره ولا جاريه
طريقة تحضير
نضع الكويره في البستلا بعدين ألفها في الشبلير بعدين نقليها في الزيت الساخن
ملاحظه لو تعمل كميه تنجم تحتفظ بها في الفريزر نيه
طريقة التحضير نضع الكويره في البستلا بعدين في الشوبلير
ملاحظه لو تعمل كميه كبيره اتنجم اتحطها في الفريزر نيه

فرج سعيد

كول واشكر بالبوفريوة

تغربل رطل فرينة ونصف باكو خميرة قاتو وذرة ملح
تزيدهم 250 غ زبدة ذايبة ومغلية حتى تنحيلها الحليب
تخلط كل المكونات بالباهي
تكمل تعجن الفرينة بماء الورد وتحطها في ساشي غذائي وتخليها ترتاح في الثلاجة 15 دق
خرج العجينة وغطسها في الماء المغلى وبعد زيد اعجنها ورجعها ترتاح في الساشي
تقلي 200 غ البوفريوة وترحيها مع 2 مغارف سكر
تزيدها شوية ماء ورد او زهر دوبما تبسبسها ماتخليهاش سائلة
تحل العجينة بالقلقال وتعمل دور
تستعملي اصغر قالب (انظر الصورة)
طيب الكعب في الفرن على 200° ورد بالك في التطيب لازم ماتنضاجش برشا دوبما تصفار
اعمل عسل عاقد
عسل الكعب وبعد غطسهم في الفزدق المرحي

الرطل يخرج تقريبا 2 كغ

البقلاوة التركية

البقلاوة التركية
تشري البات فيلو حاضرة
تقلي رطل لوز وترحيه وتزيدو 50 غ سكر
وتأخو 400 غ زبدة ذوبها بالباهي لين يتنحى حليبها
تحط الورقة مثل الصورة وتدهنها بالباهي بالزبدة وتستعمل عودة من الخشب باش تطوي عليها الورقة
ترش اللوز
تلويها بالباهي
تضغط عليها من الاجناب باش تولى ماتلاسي
ترصف الكعاب واحدة واحدة
وماتنساش تغطي الكعاب بمنديل نادي باش ما يشيحش
وتدهنهم من جديد بالزبدة
كيف تكملهم حط الطبق مغطي في الثلاجة باش يبرد
وبعد 2 ساعات
قص الكعاب وحطهم يطيبو في الفور على 180 °
تحضر عسل متاع بقلاوة عاقد
وكيف تطيب اسقيها بالعسل وزينها بالفزدق
وخليها تتشرب 6 ساعات على الاقل
وبعد قص الكعاب وحطهم في الكاسات

 

سردينة باني

تنظف السردينة وتنحيلها السلسول وبعد تفوحها بالملح والتابل والكمون وخيها تبنان في الثلاجة ساعة على الاقل
بعد تاخو بالكعبة بالكعبة وتلفها في الفرينة وبعد العضم وبعد الخبز المرحي وتقليها
بعدين تعمل السلايط وزين الصحنات
وتاكلو بالشفاء 

كيكة العروس

تحضير الكايك : تركض 4 بيضات وكأس سكر و1 فانيليا بالباهي حتى يولي الخليط كريمي وبعد غربل كأس فرينة ونصف باكو خميرة قاتو وتزيدهم وتخلطهم بالباهي وتطيبهم في الفرن ، وتحضر 2 كيسان حليب معاهم مغرفة ماكلة سكر وتخلطهم وتسقي بيهم الكيكة كيف تخرجها من الفور

الكريمة البيضاء : 6 كيسان حليب و2 مغارف نشاء و 3 مغارف فرينة مغرفة زهر ونصف كأس سكر تخلطهم بالمكسور وبعد طيبهم على نار هادية وكان لقيتها يابسة زيدها شوية حليب على خاطر فما فرينة تبدا شرابة برشا وهبطها من فوق النار وزيدهم كيس كرام شنتي وخلط وبعد صب الخليط على القاتو وخليها تبرد في الثلاجة ، واخيرا رش جوز الهند وقصها وزين بالفراولو والفزدق ادهن كعيبات الفراولو بناباج باش تحافظ على نظارتها وتاكلو بالشفاء

الجوزة المالحة

تاخو 400 غ زبدة بحرارة الغرفة تحلها بصوابعك كيف البوماد وبعد تقعد تحرك فيها وتزيد العضم بالكعبة بالكعبة 4 بيضات
وتزيد مغرفة كرام فراش
و2 خميرة قاتو
وبين صوابعك ملح
ومغرفة حليب
و2 مغارف مليانين معدنوس مقطع جويد بررررشا
وكمل لمها بالفرينة وخليها ترتاح في ساشي غذائي 15 دق
اعمل كعيبرات صغار وطيبهم في المكينة الخاصة بالجوزة
الحشو : قوتا جبن وتن تخلطهم بالباهي وتحشي بيهم الجوزة ممكن نزيد فلفل بر العبيد جويد كان تحبو المفلفل

دبلة

2 بيضات مع 2ملاعق اكل سكر نركضهم ونزيدهم 2ملاعق ماء عطرشية والفرينة حسب الحاجة مع ملعقة قهوة خميرة مرطبات وملعقة اكل نشاء نلمها مليح ونخليها ترتاح 1/2 ساعة وبعد نحلها رهيفة ونصها شرايط ونبدأ نقلي ناخذ طرف الشريط نلفه على الشوكة ونحطهها في الزيت سخون على نار هادية ونبدا نلف حتى يكمل ونشد الطرف الاخير على جنب القلاية حتى تتماسك الكعبة بعد نخرج الشوكة ونقلبها حتي تتحمر من الجهة الثانية وبعد ما نكمل الكمية كلها نشحرهم ونرشهم بالي نحب انا نخير الجلجلان المقلي يزيدها بنة مع الجرمشة
الشحور 2كاس سكر كاس ماء وعصير ليمون وقت الي يطيب نفوحه بماء العطرشية ونطفي عليه باش ما تتبخرش نكهتها

سندس مساعد