طاجين اسكالوب وسلاطة مشوية

تصمت الدجاج بالإكليل والملح والكركم والفلفل الأكحل وتابل وبصلة صغيرة وقطيرة زيت ، وكيف يطيب وينزح تماما زيدو عضم مصموت و200 غ جبن وبطاطا مقلية في شكل مكعبات صغار وشوية كرام فراش وشوية معدنوس على الريحة وجبن مثلثات كيما تحب وبعد فقر العضم قدر الحاجة وحاولي إختارمول موش كبيرة باش يجي الطاجين عالي موش مطربق وطيبو في الفرن

السلاطة المشوية : 

غسل الفلفل والطماطم والثوم والراس بصل وتشويهم على الغاز ولا الكانون وكان فلفل حار تنجم تزيد بيتنجالة أو تخلط فلفل حار وحلو تحطها في طنجرة وتغطيها حتى تبرد تقشرها وتنحي الزريعة متاع الفلفل وترحيها والباقي صبو فوقها فوحها بالملح والكروية وزيت الزيتون

لازانيا

الصوص : تقلي بصلة وتزيد طماطم خضراء مرحية وطماطم معجونة وتقليهم وبعد تزيد ثوم وتابل وفلفل أكحل وكركم وملح وفلفل مرحي وتمرق وتزيد وريقة رند وتخلي الصوص لين تطيب وتخثار شوية موش برشا

اللحم : تقلي اللحم بشوية بصل مفروم وتفوحو بالفلفل أكحل والملح وشوية كركم وتابل مفوح بالثوم وترش عليه الماء وتخليه لين ينزح ويطيب ويكون شايح

بالنسبة للبيشامال : تأخو 50 غ زبدة ذوبها وحل فيها 3 مغارف فرينة وبعد صب عليها 2 كيسان حليب وحرك وملح وفلفل اكحل وتفقدها كان لقيتها مازالت يابسة زيدها شوية ماء وكيف تولي باهية حط فيها 50 غ جبن قرويار وحرك / الطريقة : في البلاتو صفة باشامال ، صفة أوراق اللازانيا ،بعد صب صوص فوقها طبقة لحم مفروم وبعد جبن ونرجع طبقة اللازانيا وهكا نعمل 4 طبقات وفي الاخيرة نحط برشا جبن وبعد باشامال ، المهم الباشامال من فوق ومن الاسفل وقد ماتصغر في الطبق قد ما تترى الطبقات متاع اللحم

وزف مقلي

تنظف الوزف بالباهي بالملح وبعد تتبعو بالكعبة بالكعبة حتى يتنحى قشورو الكل : خذيت كمية زدتها الكمون والتابل المفوح ولفيتها في الفرينة وقليتها والباقي زدتو معدنوس وبصل وكمون وتابل مفوح وهريسة عربي وفرينة وعضم وقليتو في شكل قرص على نار هادية

مرقة لوبيا بلحم العجل

ضعي اللحم و3 رؤوس بصل في الماء والزيت  وبعد تزيدهم مغرفة صغيرة طماطم معجونة وملح  وتفوح بالتابل والكركم وشوية فلفل مرحي وتسكر عليها الكوكوت لين يطيب اللحم ، تزيد قرين فلفل أخضر وتخليها تشكشك لين تقر زيتها

تبل اللوبيا من الاحسن في ماء ماجل أو صافية وبعد تصمتها وكيف تطيب تزيدها الملح والكركم

 تحط المرقة في الصحنات وترش عليها اللوبيا الجاهزة وتزين بالبطاطا المقلية والفلفل كان تحب

شربة مفورة بالدجاج

انا عملت دجاج وتنجم تجي باللحم
ل5افراد
نقلي بصلة متزسطة في فنجان شاي زيت ونزيده الدجاج اول ما لونه ينبدل نتبل ملح فلفل اكحل واحمر وكركم وبسباس وزنجييل وورقة رند و2سن ثوم مقطعين جيد نحرك ونزيده ملعقة كبيرة طماطم معجونة (ملعقة الغرف ) ونمرق شوية ماء سخون ونحرك حنى يتلى مع بعضه ملح نمرق الماء الكافي انا نطيب في الكوكوت نصفها ماء ونرمي حمص وبطاطا واي خضرة تحبها خاصة في الشتاء ونغلق عليه حتى يطيب وفي نفس الوقت نحط المقفول بالماء يغلي وناخذ 750غ شربة لسان عصفور نخلطها بشوية زيت ونحطها تفور نصف ساعة وبعد كيف يطيب المرق نهبطها في ماعون ونمرقها بنصف المرق ونغطيها ونخلها تتشربه بعد نرجعها نفور نصف ساعة اخرى واخيرا نهبطها ونكمل عليها باقي المرق ونحطها في طبق بيراكس ونحط فوقها اللحم والحمص وباقي الخصر وندخلها لفرن ياخن 15دق و صحة طبعا نقلي قرون فلفل وصحة

سندس مساعد

بيتزا البتنجان

تقطع البتنجال شرائح وتفوحهم بالملح والفلفل الأكحل وفي مدهونة بالزيت، حط شرائح البيتنجال تتشوى وكيف يتبدل لونهم اقلبهم وحط عليهم صوص بيتزا أو هريسة أو شلاطة مشوية وفوقها اسكالوب مسوتي مع البصل ومفوح بالملح والفلفل الأكحل والكروية وفوقهم موتزارلا وغطي المقلة وخليهم يطيبو على نار هادية وتذوب الموتزارلا

شكشوكة بيتنجال ولحم مشوي

شكشوكة باذنجان
تقطع الباذنجان مكعبات بعد ما تقشرها وتقليها في الطنجرة الي باش طيب فيها وتقطع الفلفل الحار والطماطم وتاخذ قرون فلفل بلدي او العادي تحشيهم بالملح والكروية وثوم مهرسين مع بعضهم اوترفس الثوم وتخلطه معاهم وتقلية بعد البذنجان وبعد ترمي الفلفل المقطع وحده دوبة تحريكة في الزيت بعد تزيده الطماطم مع ثوم مقطع وملح وتخليهم يتقلاو لين تشوف الطماطم تهرات تزيده مغرفة كروية وتكمل تخلط عليهم الفلفل المقلي والباذنجان يشكشكو مع بعضهم وامرقهم شوية ماء بعد كيف تغلي تفقر عضمات ورشة فلفل اكحل وكروية فوقهم وتاكل بالشفاء 

سندس مساعد

كالزوني بحشوات مختلفة

كلزوني بعجين البيتزا مختلفة الحشو
العجينة
750غ فرينة السميد الارطب
250غ فرينة بيضاء عاديه
10غ خميره ملعقة صغيرة سكر ملعقتين من زيت الزيتون ملعقة أكل ملح والماء حسب الطلب يجب أن تكون العجينة طرية
بعد العجن نشكلها كويرات ونتركها تخمر
بعد التخمير نبسطها ونضع الحشو المتوفر عندكم نغلق العجينة كما في الصورة ونضع عليها قليل من صلصة الطماطم أو نرش شويه جلجلان بعد في الفرن

فرج سعيد

كعابر الكرامال

اخذ 250غ لوز مرحي تحطه في كسرونة علي النار تسخنه حتي تطلع ريحته تهبطه من النار وتحط له نصف حكة كرمال يعني نستلي مكرمل وتخلط ثم تاخذ بالكعبورة وماذابيك توزنها باش يجيو قد قد توزنها 9غ تحط في وسطها كعبة بوفريوة وتكعبر وتبسسها في كعابر شكلاطة في اى لون تحبه اكحل او ابيض او وردى وتاكل بالشفا

مفيدة حمزة

 

تسطيرة

تقلي الفلفل والطماطم وسنينات ثوم وعضم وبعد تقطعهم بالسكينة hachoire وتفوح بالملح والكروية