كيكة قدرة قادر

 

تاخو كاس سكر وتحطو يذوب حتى يولي كارامال وتصبو في الطبق إلى باش تعمل فيه القاتو وتخليه يبرد

الطبقة الثانية تركض في المكسور 500مل حليب و4 عضم و 2 فانيليلو 150 غ سكر ( كاس ) تركضهم بالباهي وبعد تصبهم على الكارامال

الطبقة الثالثة: 2 عضم و150 غ سكر و75مل زيت نباتي  ( شطر كأس ) و 1 خميرو و 200 غ فرينة و 2 مغارف كبار كاكاو ومغرفة كبيرة نسكافيه أو شيكوري ، نركضو السوائل الكل وبعد نزيدو الفرينة والخميرة والكاكاو مغربيلي والنسكافيه ونخلط بالباهي ونصبو الخليط الكل على الطبقة إلى قبلها من غير تحريك وتحطو يطيب في الفرن في طبق بالماء  (bain marie )

كيف تطيب ماتقصهاش سخونة خليها تبرد على الاقل 4 ساعات

ابتسام

 

قاتو قلاسي

تحط كرام شانتي في القالب كطبقة أولي ومن بعد تحط كرام شانتي مع نيوتيلا وتحط فوق الطبقة الأولي وتحطها في الكونجيلاتور وتعمل جينواز إنتي والطبق اللي عندك تعمل عضمة عليها مغرفة سكر ومغرفة فرينة وشوية فاني وكيف تطيب تقص داءرات قد دورة القالب وتحطها من الفوق وترجعها للكنجيلاتور وتذوب شكلاطة مع كرام فراش وتخرج القطو من القالب وتصب فوقه الشكلاطة وتعمل فوقها خطوط

مفيدة حمزة

Gateau genoise

240 غ بيض (4 بيضات تقريب وتكون خرجتهم قبل ب 4 سوايع من الثلاجة) 160 غ فرينة 160 غ سكر 1 فنيليا او بشر ليمون ، رشة ملح ،مغرفة صغيرة خميرة
نركض البيض والسكر ورشة الملح ونزيد الفنيليا او بشر الليمون ونركض مليح لين يتضاعف الخليط ويولي اصفر فاتح و كيف تهز الخليط بيد الركاضة يكون خاتر وقتها نظيف الفرينة و ملعقة الخميرة بعد ما نغربلهم مرتين و ندخلو في الخليط بالسباتي من اللوطة لفوقو بشوية لين تدخل الفرينة (كان تحب تزيد 2مغارف كبار زيت و 2مغارف حليب) وناخد طبق 24 صنتمرندهنو بالزبدة و نرش الفرينة و الا نحط ورق الفرن ونصب الخليط ونستويه بالمغرفة وندخلو للفرن نكون سخنتو من قبل 30 دق على 170-180 درجة

نزهة

Gâteau marbré

Mélanger 2 oeufs 1 verre de sucre 100 g de beurre 1 sachet de sucre vanille ajouter 1 verre de lait puis
2 verres de farine pincée de sel 2 cc de levure chimique réserver 3/4 de verre de la préparation et y ajouter 2 cs de cacao verser dans un plateau beurré le reste dans un plateau beurré répartir la pâte de cacao sur la pâte blanche et réaliser des marbrage avec un couteau après cuisson napper le gâteau avec un glaçage de chocolat et decorer avec des amandes effilés

بثينة الشابي

moussaka

أكلة متوارثة موش منتشرة برشا عندنا اما يطيبوها بعض العائلات التونسية
طبقات بيتنجال وطماطم وبطاطا أو ممكن بيتنجال صافي مقلين ومعاهم لحم مفروم مسوتي مع البصل وتكمل تسقيهم بالعضمتين والجبن الموتزارلاّ وطيبها في الفور

نازلي باني وشكشوكة بصل

تنظف النازلي بالباهي وبعد نحيلوالرأس السلسول برفق والشوك إلى في الاجناب وبعد فوحو بالكمون والتابل المفوح والملح وبعد لفو في الفرينة ثم البيض واخيرا الشابلور واقليه على نار هادية وحط يستقطر وبعد زين الصحنات ورش عليه معدنوس وعصرة قارص

مثاومة بحصيرة البحر

تصمت قطع الحصيرة في شوية ماء موش برشا
وفي طنجرة أخرى قلي ثوم وتابل وكروية وهريسة وطماطم معجونةوبعد حط القطايع بلطف وصفي الماء متاع الصمتان وامرق بيه وزيد فلفل مرحي وكركم وملح وفلفل اكحل وخليها تغلي لين تخثار رش كمون وأطفي عليها
أقلي بطاطا وفلفل زين الصحنات وتأكل بالشفاء والهناء

مرقة فلفل محشي

قطع الكبدة واللحم والمعدنوس والبصل ونفوحهم بالفلفل مرحي والفلفل الاكحل وتابل وحبق وكركم وملح وعضم وفرينة وتابل ونخلط الكل ونحشي بيهم الفلفل المرقة : طماطم معجونة وماء وزيت وكركم وملح وفلفل اكحل وفلفل مرحي وشوية تابل وكيف يغلي نرمي الفلفل ممكن نعملو بالجلبانة او اللوبيا او البطاطا بالنسبة للبطاطا ارميها تطيب في الصوص نصف الطياب وممكن تقليها زادة وكيف الصوص تقر زيتها نطفي عليها

كروكات البطاطا بالجبن

تاخو كعبة بطاطا كبيرة وتصمتها بالملح وبعد سقطرها برررشا وارفسها بالباهي
زيدها كيف تبرد مغرفة ونصف فرينة وفص بيضة كان لقيتها يابسة زيدها شوية من البياض حتى تتلم
قطع الموتزارلا مكعبات
بل يدك في الماء وكعبرها وفي وسطها الموتزارلا وبعد غسها في الفرينة ثم العضم واخيرا الشابلور متاع الخبز واقلي على نار هادية
ملاحظة هامة :
باش مايخرجش الجبن ، كيف ترميها في الزيت شوية واقلبها ماتخليهاش حتى تطيب دوبما تاخو وجه اقلب باش تتلم والجبن مايغلبش عجينة البطاطا واخيرا كيف تولى ذهبية سقطرها

رولي باللحم المفروم

رولي لحم مفروم :
تسمط السبناخ بشوية ملح و بعد تنحيلو ماه وتخليه على جنب و تسمط 4كعبات عضم
تاخد 600 غ لحم مفروم وتفوحو بالفلفل اكحل ،ملح ،رشة جوزة الطيب noix de muscade) شوية معدنوس ،بيضة نية و 80 غ خبز مرحي و50غ فرماج مرحي وتخلطهم مليح و بعد تحطهم فوق ورق الفرن و تعمل بيها مستطيل و تحط فوقو السبناخ مقطع وبعد فرماج مقطع دوائر و من فوق البيض الطايب وحدة بجانب الاخرى و بعد نلويها بمساعدة ورق الفرن و نسكرها من الشيرتين و نحطها في الثلاجة نصف ساعة بعد نخرجها و نحل ورق الفرن وندهنها بشوية زيت و نسكرها و نحطها في بلاتو و ندورها بالبطاطا مقصوصة مفوحة بفلفل اكحل و ملح و شوية كليل و شوية زيت و ندخل البلاتو للفرن 40 دق على 180 200درجة انت والفرن و كيف نخرجها نخليها تبرد بعد نقصها

تسطيرة

تقلي الفلفل والعضم والطماطم معاه سنينات ثوم ، وبعد تقشر الفلفل وتحطو في صحن وتحاول تقطعو ب 2 سكاكن ونفس الشيء بالنسبة للطماطم والثوم والبيض وبعد خلط الكل وزيدو ملح و كروية وشوية زيت زيتونة