الشمنكة

تنظف الكرشة بالباهي وتصب عليها ماء سخون وقارص
وبعد اغسلها
تقلي 3 رؤوس بصل والكرشة بالباهي وبعد زيدهم
مغرفة كبيرة طماطم معجونة وتقليهم وبعد زيدهم
فلفل شايح اغسلو وارحيه مع راس ثوم مهرس وفوح
بالملح والفلفل الاكحل والكركم والتابل والفلفل
مرحي وسكر عليها الكوكوت
واصمت الحمص بالباهي وحدو حتى يطيب
وكيف تطيب الكرشة تقطع راس بصل و2 كعبات طماطم
خضراء وقرن فلفل اخضر
وخليها تشكشك حتى تقر زيتها وماتنساش ارمي الحمص
المصموت
زين الصحنات بالمعدنوس والفلفل المقلي

 

خبزة كاكاو

كيّلت بكاس سعته 150 مل
5 بيضات بحرارة الغرفة
1 فانيليا
كاس سكر
ركضهم بالباهي حتى تتحصل على خليط كريمي
زيدو نصف مغرفة قهوة جيلك
وركض
زيد الخليط 70غ زبدة ذايبة
وكاس حليب
وزيدهم 3 كيسان فرينة مغربلة و 1 خميرة قاتو و 3/4 كاس كاكاو مغربلين
خلط الكل برفق وادهن المول بالزيت وسخنها وبعد صب الخليط ورش كعيبرات شكلاطة وطيبها في الفرن على 180°
وتاكلو بالشفاء

purée et omelette au poulet

تصمت 3 كعبات بطاطا بشوية ملح
وكيف يطيبو ارفسهم وزيدهم 30 غ زبدة ومغرفة زيت زيتونة و 1/2 فنجال حليب اي تقريبا 70 مل وارفسها بالباهي حتى تولى رطبة حطها في صحن وزينها كيما تحب بالمعدنوس والتن والعضم والزيتون وفلفل بر العبيد …

الاملات : تسوتي شوية سكالوب دجاج مع البصل وزيدو شوية معدنوس و50غ جبن برموزان أو شيدار و 6بيضات وفلفل اكحل  واكليل وتحطها في المقلة التيفال أو القرانيت تطيب وحدة وحدة وغطيها وبعد اقلبها

عصيدة سميد

تحط الماء و تصب شوية زيت و كيف يسخن شوية حط السميد مخلط بالفرينة و كعيبة ملح و اقعد خلط حتى تيباس شوية نقص في الغاز و هبطها و زيد شوية ماء سخون و اثرد اثرد حتى تعاود تشيح زيد شوية اخرى ماء سخون 3 مرات و من بعد هبطها من القاز و اثرد اثرد و صبها في صحفة تكون فيها زيت و زبدة و سمحها و حط شنوة تحب الرب و الا العسل و كان تحب رش عليها شوية فاكية و كول بالشفاء

عصيدة زقوقو وبوفريوة

الزقوقو تنفخو في لتر ماء مسبقا و بعد تصفيه و تستعمل لتر آخر من الماء تحط 350 غ فرينة و خلط و تعاود تصفي باش ما تكعبرش و تحطها على النار تكون ضعيفة.وتحرك باستمرار تحساعقدت تثردها كان شفتها شربت تنجم تزيد كويس ماء و تفعد تثرد حتى تولي مرخوفة و جارية خليها تزيد ساعة اخرى تطيب مع الحريك و في نصف الطياب حط نصف رطل سكر و بعد ذوقها و عدل الحلاوة حسب الرغبة كيف تراها تعمل فقاعات شفافة و تلمع و لونها غماق جرب برد شوية في مغرفة وشوف الطراوة كيف تبرد مليح و هي تظهر وقتها اطفي و فرغها لازمها موش يابسة جارية وقت تبرد تشد روحها تولي مثل الياغرت

عصيدة البوفريوة عملت الحكة الحاضرة رطل بوفريوة مرحي حاضر حلو في 2 لتر حليب و صفيع و بعد 300 غ فرينة خلط مليح و عاود صفيها حطها على النار و اثردها وقت تعقد تنجم تزيدها شوية حليب او حليب مركز و حط السكر بالشوية و ذوق حتى تولي مقبولة و حط مغرفة عطرشية و كيف الزقوقو لازمها جارية شوية باش كيف تبرد تولي باهية نفس texture متاع الزقوق و واذا تحب تحطها فوق الزقوقو خليه يبرد قبل و بعد صبها باش ما يدخلوش في بعضهم

 كلثوم

عصيدة بوفريوة

عصيدة بوفريوة:
كيلو بوفريوة مرحية في شكل عجينة باش تقر زيتها
400 غ سكر ( كان تحب زيد على راحتك )
500 غ فرينة
3 ل ماء ( أو ممكن تستعملي حليب في عوض الماء )
2 كاس ماء
تحل عجينة البوفريوة في 2 كيسان ماء وتخليها ترتاح في الثلاجة 2 ساعات تقريبا
وبعد أرحيها في الخلاط
أضيفي لها 3 ل ماء وحركي بالخلاط الكهربائي حتى يصبح الخليط متجانس
أضيفي الفرينة شيئا فشيئا حتى تتحل وأضيفي السكر
صفي الخليط بغربال أو برنشك نظيف
طيبو على نار هادية
وتأكلو بالشفاء

بنادق دجاج

بنادق دجاج زعر
ترحي سكالوب الدجاج وتزيدو اكليل و ثوم وتابل وكروية ونعناع شايح وزنجبيل مرحي وملح وكركم وفلفل اكحل
وبعد في طنجرة فيها الماء يغلي نزيدها زيت وكروية وكركم وملح وشوية اكليل ، وتبل يدك بالماء وتكعبر وترمي في المرق الازعر الي يغلي
خليها تغلي لين تشيح