العجينة : 150 مل ماء دافئ + 150مل حليب +150مل زيت نباتي +2 مغارف صغار سكر + مغرفة صغير مليانة ملح + 11غ خميرة خبز + كأس فرينة ،
تخلطهم الكل بالباهي بالمكسور وتغطيهم وتخليهم يتخمرو لين يتضاعف حجم السائل وبعد زيد الفرينة بالشوية بالشوية حتى تتحصل على عجينة رطبة ومرخوفة خليها تتخمر مرة ثانية حتى يتضاعف حجمها ، وبعد قسمها كرات ضغار وحلهم بالقلقال جويدين واعملهم بالقالب وحط فيهم هريسة وبعد بصل جويد وحلقات فلفل وتن وأخيرا جبن أو أي خليط تحب عليه وممكن تعوض الهريسة بصوص بيتزا وبعد تلمها برفق وتحطها على ورق الطبخ ، ثم تدهن الكعاب بأصفر البيض مع قطرات حليب وتخليها تطيب في الفرن
أرز بالعصبان الملفوف في السلق
العصبان :
قطع لحم العلوش وكبدة وكلاوي وقلب المهم الي عندك وكان تحب زيد شوية ليّة وحزمة معدنوس و 2 رؤوس بصل جويدين وفوح بالملح والكركم ومغرفة هريسة عربي من غير ثوم وفلفل اكحل تابل وكروية ونصف كاس صغير برغل جويد وقطيرة زيت زيتونة وتخلطهم بالباهي
تذبل اوراق السلق معناها دوبما تغطسهم في الماء الي يغلي وتخرجهم فيسع وتحل الورقة في يدك وتعبيها بالخليط وتسكرها وعلى البلاصة لفها بالخيط حتي تتحصل على عصبانة مزيانة
الصوص :
تحط ماء وزيت وكيف يغلي ارمي العصبانات بعدما تنقبهم
وتفوح بالطماطم معجونة ( لكل كاس كبير أرز مغرفة ماكلة مليانة طماطم ) و2 مغارف فلفل مرحي وملح وكركم وفلفل اكحل
بل الأرز بالماء المغلى وبعد صفيه وزيدو زيت وكركم وماء وخلي يتشرب وبعد حطو يفور
وفي نصف الطياب تريه بالمرق ورجعو يفور مرة ثانية
اصمت الحمص والسفناريا وحدهم بماء الماجل وفوحهم بالملح والكركم والفلفل الاكحل
سقي الأرز واقلي الفلفل
تالياتلي بالشوفرات
تصمت 8 كعبات طماطم خضراء وبعد سقطرهم وارحيهم
وقلي بصلة صغيرة في الزيت وزيدها الطماطم المرحية وفوح بالثوم وشوية تابل زيدها الملح والفلفل الاكحل والكركم وخليها تشكشك وبعد زيدها الشوفرات وخليها تغلي حتى تخثار وتطيب
اصمت التالياتلي وزين الصحنات
تاخو 200 غ زبدة حيوانية بحرارة الغرفة وزيدهم 200 غ زبدة جديدة و 200 غ سكر محور تخلطهم بالباهي وبعد زيدهم 3 بيضات واحدة واحدة وخلط وزيد 1 فانيليا وزيدهم 3 مغارف كبار نشا ونخلط بالباهي حتى تتحصل على خليط كريمي وبعدين تغربل كغ فرينة ( ممكن أقل حسب نوعية الفرينة يحيث ما تكونش يابسة
وزيدهم 2 خميرة وخليها ترتاح ساعة وبعد اصنع عادي
خوذ شوية من العجينة وزيدها اي ملون تحب عليه واصنع بيها زهرات وزين الكعاب كيما تحب
وكيف يطيب لصقهم بمعجون المشمش
