لازانيا

تفرم سكالوب الدجاج مع البصل وبعد تقليه في شوية زيت وتفوحو بالكركم والملح والنعناع والبسباس المرحي وشوية ثوم وفلفل أكحل وشوية فلفل مرحي وزيدو مغرفة معدنوس مقطع . الصوص: تقلي بصلة وطماطم معجونة وتفوح بالبسباس والثوم والملح والرند والفلفل الأكحل والفلفل مرحي وتمرق وتحطها تطيب وخليها صوص جارية موش خاثرة صوص باشامال : تحط 2 مغارف زيت زيتونة ومغرفة زبدة و3 مغارف فرينة وتخلطهم بالباهي على الغاز وبعد تصب عليهم كأس حليب وكاس ماء وخلط لين تتحصل على صوص جارية كان لقيتها يابسة زيدها شوية ماء أو حليب وزيد ملح وفلفل أكحل وفي الاخير كيف تهبط زيدها جبن اتبعي الصور في وضع الطبقات ورشي الجبن بين الطبقات وبالنسبة للباشامال تكون في الطبق والطبقة الاخيرة رشي الجبن والموتزارلا بين الطبقات وأخيرا كان تحب حط جبن فوندون وموتزارلاّ

درعية

خمسة كيسان درع 2 كيسان فرينة 2 كيسان ونصف سكر محور 1 خميرة قطو 5 عضمات وكأس ونصف زيت وشوية زهر وشوية قشور برتقال مرحي وجلجلان وإذا تحب شوية فاكية مرحية تخلطهم الكل مع بعضهم وتعمل كعبرة قد ما تحب كبرها اما انا خيرتها صغيرة ومتحفنة خير وكيف تكعبرها تحط فى الوسط كعبتين زبيب وتكعبر وتنزل عليها شوية وتبسبسها من فوق فى الجلجلان والفاكية وتحطها في الطبق وتطيبها في الفور علي 150 درجة مدة 20 دقيقة

مفيدة حمزة

درع

كيف نقولوا برد 🤕🤕نقولو حاجة سخونة ☕☕☕ صحيفة درع بالزهر تعمل الكيف
تخلط في البارد : 2 كيسان ماء بارد ومعاهم 4 مغارف كبار مليانين درع و1.5 مغرفة سكر وحطو يطيب على النار وكيف يعقد زيدو قطيرات زهر وحط في الصحافي وزينهم كيما تحب

بريكة وسلاطة

حشو البريكة : راس بصل مقطع جويد و3 مغارف مليانين معدنوس مقطع وكعبة بطاطا كبيرة حطهم يتصمتو وفوحهم بقطيرة زيت وكركم وملح وفلفل أكحل  وكيف ينزحو من الماء ارفسهم بفرشيطة وزيدهم جبن وتن وكبار وعضمة مصموتة قطعها جويدة و3 عضمات وبعد أقليهم على نار هادية وفي زيت كثيف وسقطرهم وبعد رصفهم في الصحنات

وبالنسبة للسلاطة : أصمت السفنارية والبطاطا والجلبانة بالملح وشويةكركم وبعد سقطرهم أو خليهم ينزحو وبعد حطهم في   الصحن فوق شوية بصل وخلط زيت زيتونة وفلفل أكحل وقارص في كاس وصبهم على السلاطة برفق وبعد زيدها عضم وزيتون وتن وكعيبة طماطم

تشيز كايك بالبرتقال ودون جبن

الطبقة الأولي 2باكوات بسكوي سيدة وتذوب 100غ زبدة وتخلطهم وتحطهم في الطبق وتستويه قد قد وتاخذ كسرونة وتحط فيها نصف لتر حليب و2 اصفر عضم و 2 مغارف نشاء و2 مغارف سكر 1فانى وتخلطهم وتطيبهم على النار وتصبها فوق البسكوي وتخليه يبرد شوية وتاخذ كسرونة وتحط فيها نصف لتر برتقال معصور و 2 مغارف نشاء و3 مغارف سكروتحطهم علي النار يطيبو وتصبهم فوق الكريمة البيضاء وتزين من فوق بلقشات برتقال

مفيدة حمزة

 

مصلي بالدجاج

تقلي الدجاج في الزيت وبعد تزيدو كركم وفلفل اكحل وبسباس مرحي وزنجبيل وسنة ثوم و وملح ومغرفة قهوة طماطم معجونة وتخليه يغلي لين يطيب الدجاج وتولي صوص خاثرة
في طبق الفرن تقطع دوائر طماطم وقارص وقرينات فلفل تحط الصوص وترصف اللحم وتقلي البطاطا نصف طياب وتحطها معاهم وبعد تشعّل الفرن من فوق وتحط الطبق 15 دق تقريبا لين يتجمّر ويقر زيتو ، ممكن البطاطا ما تقليهاش حطها تطيب في الفور مع الدجاج
زيّن الصحنات وزيدهم معدنوس وبصل

سلاطة فجل

تقطع الفجل دوائر وبصل وخس وطماطم وتفوح بالملح والقارص والفلفل الاكحل وزيت زيتونة وزين بالنشوبة او البيض

مقرونة بالحبق

تقلي بصلة وتزيدها طعيبة طماطم خضراء وبعد مغرفة طماطم معجونة وكيف يتقلاو بالباهي تزيد ثوم وتابل وتمرق وترمي وريقة رند وشوية حبق أخضر وفلفل أكحل وكركم وملح وفلفل مرحي وكعيبة بطاطا كان تحب وشوية هريسة عربي مفلفلة   وتخليها تغلى وبعد تصمت المقرونة إلى نحب عليها وتخلط وتزيد ترش شوية حبق شايح وجبن وكان تحب أصمت عضم واقلي فلفل أخضر

تريلا مقلية وصالصة بصل

الصوص :
تقلي 2 بصلات كبار بالباهي وبعد تزيدهم 3 كعبات طماطم مقطعين وكيف يتقلاو تزيدهم مغرفة صغيرة طماطم معجونة
وبعد تاخو فلفل احمر شايح وتبلو بالماء السخون وصب عليه شوية ماء وترحيه في القمصان وبعد صبو على الصوص وزيدهم شوية كركم وفلفل مرحي وملح
وخليها تشكشك حتى تولى خاثرة

الكفتة بالبروكلو

تصمت البروكلو مع سنينة ثوم ووريقة رند وملح وكركم وبعد سقطرو
وزيدو بصل جويد ومعدنوس و2 مغارف فرينة او شابلور وعضيمة وكان برشا زيد العضم والفرينة وتابل وثوم وفلفل اكحل ومغرفة صغيرة هريسة وبعد كعبرولف في الشابلور واقليهم
الحشو يبدا طري شوية ممكن تستعملي المغرفة توا يشد روحو كيف يتقلى

بشكوتو دياري وسابليه بالشكلاطة

روسات البشكوتو الدياري :
2كغ فرينة مغربلة
4 خميرة قاتو
150 غ جلجلان مرحي
100 غ لوز
ومغرفة بسباس كعب
تخلطهم مغ بعض في معجنة
وفي معجنة اخرى تخلط
10 بيضات
500غ سكر محور
500 غ زبدة تقريبا 2 كيسان
1/2 كاس عصير برتقال
4 فانيليا وبعد خلطهم مع الفرينة
وعديهم في مكينة البشكوتو وطيبتهم عادي في الكوشة
السابليه:
كغ فرينة مغربلة ومعاها 2 اكياس خميرة
400 غ زبدة تخلطهم مع
5 بيضات
2 فانيليا
300 غ سكر
وبعد تخلط الكل مع بعض وتصنع السابليه
طيبو في الفرن
تذوب
150 غ شكلاطة سوداء ومعها 30 غ زبدة ومغرفة كرام فراش
ونفس الشيء
150 غ شكلاطة بيضاء ومعاها 30 غ زبدة ومغرفة كرام فراش
وكيف يطيبو الكعاب
غطس الطبقة الفوقانية في الشكلاطة وخليها تشيح وبعد حط معجون فراز على الطبقة السفلية ولصقهم لبعضهم وزين الكعاب مثل الصور