خبزة البريوش

كيكة البريوش
ياسر بنينة و خاصة مع القهيوة
فيسع جربوها و ماتندموش
الطريقة:500غ فارينة-2 خميرة خبز-200غ سكر محور-2عضمات- قرصة ملح-50غ زبدة ذايبة- حليب دافئ باش تلم بيه لعجينة
تعجنها بالباهي تخليها ترتاح 30دق بعد تقسمها علي 4 تخلي زوز ابيض وحدة تزيدها كاكو وحدة تزيدها نسكافيه
تحل العجينات تحطهم بالمتخالف الألوان وتلويها تحطها في القالب وتخليها ترتاح ساعة طيبها 25دق خرجها تدهنها بالنباج
ابتسام

خبز محشي

عجينة 10 دق:
2 كيسان ماء
11غ خميرة خبز
مغرفة صغيرة سكر
مغرفة صغيرة مليانة ملح
2كيسان فرينة
تخلطهم بالباهي وتتحصل على خليط سائل
خليه يتخمر مدة 10 دق
بعدين زيدو نصف كاس زيت نباتي و2 مغارف كبارحليب
و3كيسان فرينة واعجن لين تتحصلي علي عجينة متماسكة
وكان جاتك سائلة وماتلمتش زيد الفرينة لين تتلم
اصنعي بها الساليه الذي ترغبين فيه
الحشو :
تن او لحم مفروم او دجاج
بصل مذبل في الزيت
بطاطا مقطعة رقيقة ومقلية
اجبان
بيض مسلوق
بيضة نية
وممكن تضيفي زيتون

شربة بالعلوش

ترمي كل شيء في الماء : اللحم والبصل والسفناريا والجلبانة والكلافس وشوية معدنوس وكعيبة بطاطا مقطعة جويدة وملح وفلفل أكحل وزيت وعلى طرطوشة المغرفة طماطم معجونة وكعبة طماطم خضراء وشوية كركم وتسكر عليها الكوكوت وتخليها تغلي وفي الاخير ارمي الشربة

ابتسام

مرقة لوبيا بالدجاج وطاجين

مرقة لوبيا بالدحاج وطاجين جبن
تقلي الدجاج والبصل وطمطومة خضراء وبعد تزيدشوية طماطم معجونة وتمرق وتحط فلفل اكحل وكركم وملح وبسباس وخليها تغلي لين تطيب وتقر زيتها
تصمت اللوبيا وحدها وكيف تطيب تحطلها ملح وكركم
وترشها في الاخير مع قرين فلفل
البروكلو اصمتو وحدو وبعد اقليه بالفرينة والعضم

كسكروت تونسي

تعمل سلاطة خس  بالبصل والطماطم وتفوحها ، وتحل النصف الخبزة وتدهنها بالهريسة والزيت وتزيد السلاطة والتن والعضم والبطاطا المقلية والزيتون

بنة لا توصف

ابتسام

تحريشة تونسية

هريسة وتن وعضم مقلي  وزيتون وسلاطة

 

ستاك مشوي

ستاك مشوي
تحاول تفرطح اللحم قد ما تنجم وتفوحو بالفلفل الاكحل والملح والكروية وزيت وكركم وتخليه يبنان
اشويه على نار هادية وغطيه وكل مرة أعصر قارص وزيت وتريه

شربة عدس وبوري بالكروفات

شربة عدس وpurė بالكروفات
شربة العدس :
ترمي كل شيء في الماء الماجل او الصافية
بصل وزيت و فلفل مرحي وكركم وشوية طماطم مغجونة وبسباس مرحي
وقت الي يغلي المرق ارمي فنجال عدس مرحي وسكر عليه شوية الكوكوت وبعد زيدو الملح كيف تطيب
Puré بالكروفات
تصمت كعبتين بطاطا ومعاهم كعيبات كروفات بالملح وبعد سقطرهم وارفس البطاطا وزيدها شوية زبدة و2 مغارف حليب وارفس الكل بالباهي وحطهم في البوش وزين الصحنات كيما تحب
بالسلاطة والطماطم والكروفات