ميني بيتزا

العجينة :طرية برشا وممكن تستعملوها في معجنات اخرى
200 مل حليب
2 مغرفة صغيرة سكر
مغرفة صغيرة ملح
كيس خميرة خبز ( 11غ)
وتخلطهم بالباهي وخليهم يرتاحو في مكان دافئ 15 دق
وبعد زيدهم 80 مل زيت نباتي او زبدة ذائبة
وخلط
واخيرا ابدا زيد في الفرينة شيئا فشيئا حتى تتلم عجينتك
خليها تزيد تتخمر 15 دق
حضر الحشو :
قلي بصلة مقطعة جويدة وزيدها 2 كعبات طماطم و3 قرون فلفل مقطعين جويدين وفوح بالملح والفلفل الاكحل
تقسم عجينتك كويرات صغار
حل بالوحدة بالوحدة بالفرينة واضغط عليها بصحفة باش تخلى الاجناب عالين وحط فيها هريسة وبعد شوية خليط وجبن ورصف الكعب في الطبق
ادهنهم بخليط (اصفر بيض ونسكافيه وحليب )
ورش السينوج
وخليهم يرتاحو 15 دق اخرين
سخن الفرن وطيبهم على 200°
زينهم بالتن والزيتون والعضم

شربة مفورة بالدجاج

شربة مفورة بالدجاج
تبل الشربة بشوية زيت وكركم
تحضر الصوص عادية كيف الكسكسي وﻻ الروز( تقلي بصل ودجاج في الزيت وامرق وتزيد طماطم وفلفل مرحي وكركم وملح وفلفل أكحل وبسباس مرحي )
وتفورها ثم نهبطها وتريها بشوية مرق وبعدين ترجعها على النار
كيف تطيب سقيها وخلها تتشرب

ابتسام

بنادق باللحم وتشيش بالكروفات وهريسة

البنادق :تفوح اللحم بالكركم والفلفل اكحل ونعناع وكروية وتابل وسنة ثوم وملح وتعجنو بالباهي وتكعبرهم وبعد ترميهم في الماء الي يغلي وتزيدو زيت وكروية وملح وفلفل اكحل ومغرفة قهوة طماطم وتخليه يغلي حتى ينزح تماما ويقر زيتو

 الهريسة : حطيت بتصمت طماطم خضراء وراس بصل وراس ثوم وكيف يطيبو حطيت فلفل 

شايح منظف وبعد رحيت الكل وفوحت بالملح والكروية وزيت الزيتون

التشيش بالكروفات : كل شيء في الماء
كروفات وزيت وطماطم معجونة وطمطومة خضراء مقشرة وكلافس وبصل وكعيبة سفنارية جويدة وزيت وملح وفلفل اكحل وكيف يغلي ارمي تشيش عربي وخليها تغلي حتى تطيب

تشيش بالقرنيط

قلي بصلة والقرنيط وطمطومة خضراء في زيت الزيتون وتزيدهم مغرفة صغيرة طماطم خضراء وامرق وفوح بالملح والكركم وفلفل أكحل وتابل وفلفل أحمر شايح وكيف يغلي أرمي كاس تشيش وخليه يغلي على نار هادية حتى يطيب أرمي وريقة كلافس او معدنوس ( فما شكون يحبو بالكمون يرمي كعيبة ويطفي عليه النار ) انا الحقيقة مانحطش كمون على خاطر يولي قوي

شوباي محشي وسلاطة ارز وساليه

شوباي محشي وسلاطة أرز وساليه :
تقلي بصلة وتحط عليها كاس روز وبعد 2كيسان ماء وشوية كركم وملح وحطها تغلي حتى تنزح غطيها وخليها لين ترجع عليها سخانتها
وفي معجنة قطع طماطم وزيتون وجبن ومعدنوس وكبار و فاريانت
وبعد خلط الكل وزين كيما تحب
الشوباي
تصمت الشوباي ونحى الكعاب وخلي الشوش لين يطيبو
اغسلهم وقطعهم مع شوية بصل ومعدنوس مسوتين وفوحهم بالفلفل اكحل والكركم والملح وفلفل مرحي وعضمة شوية شابلور وبسباس مرحي وبعد تنقب كعبة الشوباي من الاسفل وتعبيهم
الصوص :
تسوتي بصل وبعد تزيد كركم وملح وجلبانة وفلفل اكحل وبسباس وحطها تغلي وزيد كعبة بطاطا وبعد
حط في طبق الفور الصوص ورصف فيهاالشوباي وحطها تكمل تطيبها في الفرن
السالي : البات رطل فرينة
150 غ زبدة
1/2 كيس خميرة خبز
1/2 كيس خميرة قاتو
عضمة
وتعجن بالماء الدافئ
الحشو :
حسب الرغبة تن او لحم او دجاج
وبصل ومعدنوس مسوتي
بطاطا جويدة ومقلية
جبن بزايد
كرام فراش
وعضم

الشبكية

1 kg de farine 250 g de beurre fondu 2 c à s de vinaigre blanc 1 sachet de levure chimique 2 oeufs 1 c à s de sucre 1 pincée de sel eau + eau de fleur d’oranger Préparation: Faites fondre le beurre. Tamisez la farine,faite une fontaine au centre,ajouter le beurre sabler entre les mains. Ajouter le sel,le sucre,le vinaigre,la levure et les oeufs. bien mélanger ,ramasser la pâte avec le mélange d’eau + eau de fleur d’oranger tout en travaillant avec les paumes des mains jusqu’à ce que la pâte soit ferme. Diviser la pâte en petites boules,couvrir et laisser reposer un moment. Abaisser chaque boule en fine feuille 2 mm d’épaisseur. À l’aide d’une roulette dentelée ,découper des rectangles de de longueur et de largeur. Faire des entailles à l’intérieure de rectangle,prendre un rectangle dans la main gauche et avec l’index et le majeur prendre une lanière et laisser la suivante continuer pour toutes les lanière,ensuite tenir la pointe et tirer pour obtenir une tresse. Chauffer l’huile de friture et plonger les tresses dans l’huile chaude et les faire dorer . Les égoutter et les plonger dans le miel et parsemer de grains de sésame

الكفتاجي

أقلي القرع وبعد الفلفل والطماطم معاه راس ثوم وبعد سقطرهم بالباهي وقشرهم وحاولي نحي الزيت الكل وزيد اقلي عضم وقطعهم بالسكين حتى يولي جويّد وبعد خلط الكل وفوح بالملح والكروية وخويّط زيت زيتونة ورشيشة معدنوس وزيتون