اللكلوكة

المكونات :كيلو زبيب أكحل نغسلوه و نرحيوه برحاة البشكوطو و نصفيوه بـ 1 ل ماء في غربال كيف الزقوقو و ناخذو العصير متاعو نحطوه يطيب على نار هادئة لمدة ساعة ثم نضيفو 1/2 ل زيت زيتون و نتركه يغلى مع التحريك من حين لآخر لمدة ساعة اخرى حتي يقر زيتو فوقه نزيدوه كاس سكر (125 غ) و بعد ربع ساعة نحطو رطل الفرينة مقلي ( نقليوها حتى يتبدل لونها) ونثردوها كالعصيدة لمدة 10 دق و نطفي النار ثم نزيدو المكونات الاخرى 250 غ درع و 200غ بسيسة و100 غ جلجلان مقلي و 200 غ لوز مقلي في الزيت و نشكلوها بالقالب و إلا صوابع . ( هذه أكلة صفاقسية م يطيبوهاش ديما حاجة مشتهية كيما عندنا في جهة المهدية خبزة العبيد أو القطانيا نعملوها مرة في العام من الأكلات الصعيبة و الي تتطلب برشا تحضيبر

 كلثوم

بسيسة درع

بسيسة الدرع
ل درع ، 1/2 ل حمص ، رطل جلجلان : تقلي كل حاجة وحدها وبعد ترحيهم وتخلطهم بالسكر المحور وزيت الزيتونة ، وبعد التزيين بالفاكية إلى تحب

بسيسة قمح

بسيسة قمح
5ل حمص
5ل قمح
1/2 ل تابل
مغرفة ماكلة حلبة
1/4 ل بسباس
تقلي الحمص علي الغناي الطفل ونارهادية باش يطيب وما يتحرقش
تقلي القمح
واخيرا التوابل
وزيد شوية قشور ليم شايح
وبالطبع بعدما ترحيها تزيدها السكر المحور وتخلطها بزيت الزيتون
وتزيدها شامية وفاكية مقلية
بنة على بنة

ترشي

تقطع اللفت والسفناريا وبعد تحضر خليط متكون من : كعبة قارص كبيرة معصورة ومغرفة كبيرة هريسة عربي وكأس خل ثوم او تفاح وكأس زيت زيتونة جديد تخلطهم بالباهي وتصبهم على اللفت والسفناريا المقطعين وتخلطهم وتحطهم يبنانو في الثلاجة وكيف حاجتك حط في صحن وزيدو رشيشة معدنوس وكبار وملح للي يحب وفلفل أكحل وزيتون فيه بنة عاااالمية 

كريمة الدرع

تخلط في البارد : 2 كيسان ماء بارد ومعاهم 4 مغارف كبار مليانين درع و1.5 مغرفة سكر وحطو يطيب على النار وكيف يعقد زيدو قطيرات زهر وحط في الصحافي وزينهم كيما تحب

 

Gâteau aux dattes

Gâteau aux dattes
INGRÉDIENTS
300 g dattes en pâte
300 g amandes moulées
200 g farine
120g sucre
2 sachets de levure chimique
120g de beurre fondu
1 oeuf
+ pour la décoration : 150 g de chocolat et ce que vous voulez comme fruits secs ou noix de coco (Moi j’ai fait noisettes et chouch ward)

PREPARATION
– préchauffé le four à 180°
– mélanger farine et sucre et amandes et la levure
– ajouter la pâte de dattes et bien mélanger
– ajouter le beurre et travailler le mélange comme pour la pâte sablée
– rajouter l’oeuf et travailler bien
– étaler dans un grand plat (celui du four est très bien) sur une épaisseur de 1 cm environ
– mettre au four pour environ 15 mn

– Dès la sortie du four , faire fondre le chocolat au bain marie et couvrir le gâteau,
– saupoudrez votre décoration
– laisser refroidir
– couper en petits carrés (3*3 cm)
C’est un gâteau très énergique, a consommer avec modération. .. Si vous y résistez 😀

منال علية

كيكة بنكهة الرتقال

تغربل

220 فرينة ،160 سكر 3بيض ،80 زيت نباتي 60 عصير برتقال و بشر برتقالة 1خميرة قاتو و 150 غ ياغورت
للقلاساج 120 سكر محور و عصير برتقال ما يكفي
ركض البيض مع السكر ثم تزيد الياغورت و ديما تركض و الزيت و العصير و الفرينة والخميرة مغربلة وتركض ثم بشر البرتقال و تصبو في بلاتو الكيك يكون كبرو متوسط و تحط في فرن على 170 د 40 دق و بعد تخرجو وتخليه يبرد و تحضر القلاساج تخلط 125 سكر محور و تصب شوية عصير برتقال و تخلط مليح بالمغرفة ما يكونش جاري برشة كان جاري زيد سكر و بعد صب الخليط على الكيك و رش شوية بشر برتقال للزينة و خليها تشيح ساعة

نزهة

قاتو عيد الميلاد

عملت جنواز 5 بيضات ركضتهم مع 5 مغارف سكر وقطرات فانيليا ليكيد و زدتهم 5 مغارف فرينة و مغرفة صغيرة جيلك ( و هو محسن الجنواز ) كان موش متوفر حطو شطر باكو خميرة قاطو و صبو الخليط فوق ورق الطبخ في بلاطو الفرن خشنها 1 صم و طيبتها 15 دق على 175 درجة ما لازمش تحمار لازم تخرج بيضاء و ما تتلسقش انا عملت 3 جنواز يعني الكمية هاذي في ثلاثة و قت يحضرو تسقي بالوحدة بسيرو خفيف غلي كاس سكر و 2 كيسان ماء يكون جاري و نزيدو مغرفة قهوة نيسكافي و تسقي بواسطة قرشاة او ترش رشان باش تتبل شوية و ما تكونش شايحة القاطو و تحط كريمة الزبدة بين الطبقات ( تخلط 200 غ زبدة جديدة و 2 مغارف سكر محور ة و شوية نسكافي او كاكاو و ركض مليح )و ترش لوز و بوفريوة مهروشين و في الاخر تصب قاناش شكولا( تذوب اربعة قوالب شوكولا فوق بان ماري و تزيدهم زوز مغارف كبار كرام فراش و مغرفة صغيرة زبدة و تحرك و تحاول تغلف القاطو بالشكلاطة تحط بالشوية بمغرفة حتى تتغلف الكلها و تزين بالفاكية المهروشة فستق مثلا و الفستق راهو 50 غ تكفي و كعبة كيوي تكفي و شوية كرام شانتي نحطوها في الثلاجة و نزينو اللي ما عندوش بوش يعمل فرتونة بورق الطبخ و يعبيها بالكرام شانتيي و يعمل نقبة صغيرة من اللوطة و ينزل و يحاول يكتب و الا يصور اللي يحب و هذي فرصة باش في راس العام ان شاء الله تعملو القاطو في الدار

كلثوم بالحاج

مقرونة بالشبتية

تقطّع لحم وكبدة وقلب ومعدنوس ( وإلي يحب يحط شوية ليّة حر ) و بصل وفلفل أكحل وكركم وملح وتابل فلفل مرحي قطيرات زيت فرينة وعضم وشوية خبز مرحي وممكن تزيد شبت تخلط الخليط وتلف الكعاب في الفرينة وتقلي
الصوص : ماء وطماطم معجونة وكركم ملح تابل ورأس ثوم فلفل أكحل وفلفل مرحي وزيت وماتنساش وريقة رند ، وبالنسبة لرطل مقرونة حط 2 مغارف ماكلة كبار طماطم ومغرفة فلفل مرحي

مقرونة بالشوباي

تغلي الماء وتحط فيه الشوباي ودبما يغلي وتتنحى الكشاكش وهاك الحمورية خرجو واغسلو
وتاخو طنحرة تحط فيها بصلة صغيرة وزيت زيتونة والشوباي مقطع وقليهم وزيدهم مغرفة كبيرة متاع تطيب طماطم معجونة وهرس راس ثوم مع بسباس مرحي عربي وامرق وزيد ملح وفلفل مرحي ومغرفة فلفل احمر مهرس ووريقة رند وخليها تغلى حتى يطيب الشوباي وتقر زيتها
اصمت المقرونة وسقيها واقلي قرينات فلفل
زين صحناتك