البريك الحلو بالكريمة

ورقات ملصوقة حسب عدد الأفراد
باكو كريمة بطعم الفانيليا أو الفراولة حسب الرَغبة
موز مقطع إلى دوائر
فستق مبشور
سكَر
حليب
زيت
شحور أو عسل حسب الرَغبة

الطريقة :

أوَلا إصنعي الحشوة واوَل مرحلة صنع الكريمة وذلك بحلَ بودرة كريمة الفاني في الحليب ثم إضافة السكر وما ان تصبح الكريمة جاهزة كالعصيدة المتماسكة أطفئي عليها النَار و اتركيها على حدة .

خذي ورقة الملصوقة وإقسميها إلى نصفين كأنَك ستحضَرين بريك صوابع ضعي داخلها القليل من الكريمة مع قطع الموز والفستق المبشور وأغلقي الورقة واجعليها في شكل أصابع ، سخنَي الزيت وإقلي فيه أصابع البريك الحلو .

ما أن تحمرَ الأصابع اسكبي فوقها الشَحور ورشيَ الفستق المبشور للزينة .

تذوَقيها و ستذوبين في حلاوة المذاق و قرمشة هذه الحلويات المميزَة

طاجين بنادق

 

البنادق: 
500 غ لحم مفروم
بهارات: تابل، كروية، فلفل أحمر، كركم، فلفل أسود
ملعقة  نعناع جاف
4 ملاعق كبيرة زيت زيتون
الطاجين:

500 غ سبناخ
4 مربعات جبن
8 بيض
150 غ جبن مرحي
150 غ كريمة طازجة
2 بصل مفروم
4 بطاطا مقطع الى مكعبات
ملح و فلفل اكحل

طريقة التحضير:

نخلط مكونات اللحم ثم نشكله الى كويرات صغيرة و نقليه في الزيت، نضيف الماء و  نتركهم حتى تشرب الصلصة كل الماء.
نقلي البطاطا ثم نقلي السبناخ مع البصل في الزيت. نخلط السبانخ و البصل مع البهارات ،البيض و الجبن.
ندهن الطبق بالزبدة، نضع البطاطا ثم كويرات اللحم ثم الحشو فطبقة اخرى من البطاطا ثم الكريمة الطازجة مركوضة مع بضتين.
نضع الطبق في الفرن درجته 180° لمدة 30 دقيقة

تصبير السلاطة المشوية

ناخو كمية كبيرة من الفلفل الحار والحلو في اواخر الصيف ونغسلو ونشويه في الطابونة
وكيف يبرد نكنجلو من غير ما تقشرو
وفي الشتاء وقت الي يتبدل طعم الفلفل نخرجو يعمل ديكانجيلاسيون على راحتو ونشوي طماطم وثوم ونرحيها عادي

قاتو بالموز

 

4/1 كوب فارينة 
ملعقة صغيرة قرفة، مطحونة
2/1 ملعقة صغيرة ملح
ملعقة صغيرة خميرة المرطبات
ملعقة صغيرة بيكربونات الصودا
2/1 كوب سكر ناعم
4/3 كوب لبن خاثر
2/1 كوب زبدة، لينة
3 حبات موز ناضجة مهروس
بيضتان
1 ملعقة صغيرة فانيليا
3/1 كوب بندق مجروش

طريقة التحضير:

ثبتي الرف الشبكي الأوسط في الفرن ، شغلي الفرن لدرجة حرارة 180 د.
استعملي قالب مستدير، ادهني بالسمن النباتي أو الزبدة، ثم رشي الدقيق، دعيه جانباً.
في وعاء الخلاط، انخلي الفارينة، القرفة، الملح، خميرة المرطبات، بيكربونات الصودا، اضيفي السكر.
ثبتي المضرب الشبكي، شغلي علي سرعة بطيئة لبضع ثواني لتختلط المكونات مع بعضها .
أضيفي اللبن، الزبدة والموز، شغلي علي سرعة متوسطة إلي أن تختلط المكونات، لحوالي دقيقة، اضيفي البيض والفانيليا ، اخفقي علي سرعة متوسطة 2 دقيقة.
صبي خليط الكيك في القالب ، وزعي البندق و قطع الموز علي السطح .
اخبزي الكيك 40 – 45 دقيقة، اختبري النضج.
اخرجي القالب من الفرن، اتركيه إلي أن يبرد تماماً

دجاجة روتي

 

حطيت الدجاجة في الخل حكاية نصف ساعة وبعد غسلتها وحضرت الفاحات المتكونة من كركم وملح وفلفل اكحل وشوية فلفل مرحي وبسباس وكروية واكليل وزعتر وزيت وخلطت الخليط بالباهي وفوحت بيه الدجاجة وحطيتها في ساشي غذائي وخليها تطيب في الفرن

ابتسام

 

كمونية باللحم

ناخو اللحم نقطعو مكعبات ونحطو في ماء وزيت ونخليه يتصمط
ناخو الكبدة ونحط نغليها شوية وبعد نبزع الماء متاعها ونحطها مع باقي اللحم ونخلي الكل يغلي
كيف قريب يطيب اللحم نحطلهم
مغرفة ماكلة طماطم معجونة
كركم وملح
راس توم مهرس
كمون
فلفل مر حي وخليهم يغلي حتي تولي الصوص باهية
رش شوية فلفل اكحل واطفي عليها
زينة رشة فريت معدنوس وبصل اختياري

ابتسام

عصير قوارص

كعبتين برتقال تقصهم روندالات وتنحي لقلوب وكعبتين قارص تقشرهم وتنحي لقلوب والقشرة البيضاء وتقصهم زادة روندالات
تاخذ صحفة وترصف صفة برتقال وترش سكر بعد برتقال وترش سكر وتغطيهم وتخليهم ليلة في الثلاجة
تخرجهم تزيدهم نصف لتر ماء وترحيهم بعد تصفي وتزيد 1 لتر ماء لين تتحصل على المذاق الي حاشتك بيه
بالنسبة للماء في الاخر عينك ميزانك خاطر يختلف كبر القارص واليمون اني عملت كعبات كبار وكاس سكر

ابتسام

قاتو سبعة اكواب

قاطو السبعة اكواب : 2 اكواب معبين فرينة 1نشاء معبية وكان معندكش نشاء تعوضها فرينة، 3بيض،2 سكر ناقصين و 1زيت ناقصة، 1ياغورت 125 مل ،1 خميرة قاتو ،رشة ملح ،1 فانيليا و الا بشر برتقال او ليمون
تاخد الياغورتة وتفرغها في صحفة وتقيس بيها
تركض البيض مع السكر مليح لين يولي كريمي و بعد تزيد الياغورتة وتركض وتزيد الزيت و تركض وبشر البرتقال او الفانيليا و الفرينة والخميرة مغربلين ورشة الملح و تركض وتاخد بلاتو 24 صنتمتر وتدهنو بالزبدة والفرينة وتصب الخليط انا رشيت شوية بوفريوة مهروشة زادتها بنة و تدخلو للفرن يكون سخون 45 دقيقة 180 د انت والفرن وكيف تخرجها تخليها تبرد بعد

نزهة

قاتو البرتقال والجلجلان

تاخو2 كعبات برتقال وتقشرهم وترحيهم في المكسور وتزيدها 100مل حليب و 100مل زيت وتخلطهم بالباهي
تحط 6 بيضات و350 غ سكر و2 فانيليا وتركضهم 5 دق لين الخليط يولي عاقد
تغربل 400 غ فرينة و2خميرة
وبعد صبهم على البيض وحرك برفق وزيد خليط البرتقال خلط الكل
وطيبهم في الفرن على 160 درجة مدة 40دق

ابتسام

قاتو بالبرتقال لفطور الصباح

تاخو كعبة برتقال وتقشرها وترحيها في المكسور وتزيدها 3/4 كاس حليب و 1/2 كاس زيت وتخلطهم بالباهي
تحط 6 بيضات و350 غ سكر عادي و1 فانيليا وتركضهم على الاقل 4 دق لين الخليط يولي عاقد
تغربل 400 غ فرينة وتخلط معاهم 1 خميرة
وبعد صبهم على البيض ومعاهم خليط الاول ةحرك برفق
وطيبهم في الفرن على 170 °