بيتنجال في الفرن

بيتنجال في الفور:
تقلي بصل وطماطم خضراء مقشرة وزيدهم مغرفة هريسة عربي وفوح بالملح والكركم والفلفل الاكحل وفلفل مرحي وشوية زعتر وخلي الصوص خاثرة ماتمرقهاش
تقص البيتنجال حلقات
وتحطهم في المقلة مع شوية زيت على نار هادية حتى تحمار (لاهي مشوية وﻻ مقلية )
ترصف البيتنجال في طبق
حط عليها الصوص وبعد خلط في صحفة 50 غ جبن و2 عضمات ومغرفة كريم فراش خلطهم بالباهي وبعدين حطهم على البيتنجال واخيرا جبن وزيتون وريشة معدنوس وحطها لين تجمد في الفور وتتجمر

خبزة هواء

خبزة الهواء
2 باكوات بسكوي سيدة 1 مسكربون تزيدها 3مغارف نيوتلا وتعمل قهوة بالنسكافيه وتاخذ كل كعبتين بسكوي تحط بيناتهم الكريمة ومن بعد هاك الكعبتين اللاسقين تغطسهم في القهوة وتحطهم واقفين وقبل ما تحط الكعبتين الاخرين تزيد تحط بيناتهم الكريمة وبعدما تكمل تغلفها بكلها بنفس الكريمة وتزينها بكعابر الشكلاطة انا شريتهم حاضرين

مفيدة حمزة

خبزة هواء

خبزة الهواء
2 باكوات بسكوي سيدة 1 مسكربون تزيدها 3مغارف نيوتلا وتعمل قهوة بالنسكافيه وتاخذ كل كعبتين بسكوي تحط بيناتهم الكريمة ومن بعد هاك الكعبتين اللاسقين تغطسهم في القهوة وتحطهم واقفين وقبل ما تحط الكعبتين الاخرين تزيد تحط بيناتهم الكريمة وبعدما تكمل تغلفها بكلها بنفس الكريمة وتزينها بكعابر الشكلاطة انا شريتهم حاضرين

www

wwwww

شكشوكة بصل ربعي

شكشوكة بصل ربعي

تقلي بصل في زيت زيتونة وبعد تزيدو طماطم مقطع كبير وخليه يتقلى وفلفل مقطع كبير جرارات
وبعد رش ملح وفلفل اكحل
وفقر العضم

سلاطة خس وكفتة بروكلو

سلاطة خس وكفتة بروكلو
السلاطة :
خس وطماطم وبصل وقارص وزيت وفلفل اكحل وملح وزيتون
ابكفتة بروكلو مصموت بالثوم والملح والكركم وبعد سقطرو
وزيدو بصل مقطع جويد ومعدنوس وثوم وتابل وهريسة عربي وخبز مرحي وعضم وكان تحب تنجم تزيد تن وبعد لفها في الخبز المرحي واقلي في التيفال

 

طبيخة فول أخضر

طبيخة فول اخضر
هذه الروسات وراهي من غير قرع أخضر : تقلي بصل وحزمة معدنوس وحزمة سلق وسفناريا وجلبانة وفول مصري وفول أخضر و كان تحب بالقديد زيد قديدة وبعد زيدهم مغرفة صغيرة طماطم معجونة وامرق وزيد فلفل كحل وكركم وملح وشوية فلفل مرحي وخليها تغلي وفي نصف الطياب أرمي بطاطا وبعد كيف قريب تطيب وتخثار أرمي فلفل بر العبيد والفلفل الملاحي وفقر العضم

الكيكة المالحة

كايك المالحة
تصمت الدجاج بالماء وشوية بصل و2 مغارف زيت وبسباس مرحي وكركم وملح وفلفل أكحل واكليل وتخليه حتى يشيح في ماه حط عليه تقريبا أقل من مغرفة معدنوس مقطع حتى يذبال وتزيدو 3 عضمات مصموتين وكعبة بطاطا مقطعة جويدة ومقلية وجبن قرويار ولاّ برموزان وجبن موتزارلاّ وبعد تفقر فيه البيض المقدار الكافي و2 مغارف كرام فراش وتحطو في المول متاع الكايك ومن الاحسن ضعي ورق الطبخ حتى تكون الكايك مسبوكة ومزيانة وقصو كيف يبرد

كسكسي بالعلوش

ترمي كل شيء في الماء : اللحم ومغرفة كبيرة طماطم معجونة وكركم وفلفل أكحل وملح ومغرفة فلفل مرحي ورأس بصل وتخليه يغلي ، ثم تبل الكسكسي بالماء ومعاه مغيرفة زيت ونصف مغرفة صغيرة كركم وتحطو يفور وفي نصف الطياب تهبط الكسكسي تتريه بالمرق ثم ترجعو يفور ، وفي الوقت هذا الكل نكون حطيت الحمص والسفانريا يغليو وحدهم وكيف يطيبو نفوحهم بالملح والكركم والفلفل الاكحل وبعد سقي وتقلي قريّن فلفل

بيتزا عائلية

بيتزا خفيفة و من غير خميرة خبز تتبرمج في آخر لحظة : الطريقة كعبة ياغرت طبيعي و كعبة عظم و تقيس بالياغرتا 1/2 ياغرتا ماء بارد و 1/2 ياغرتا زيت نباتي و باكو خميرة قاطو و رشة ملح و رشة سكر و تخطهم الكل و تخليهم يتفاعلو دقيقتين ثم تصب الفرينة بالعين و تلم حتى تتحصل على عجينة لينة و تكون خضرت صالصة ( تقلي شوية بصل و كعبات طماطم و تفوحهم بالاكليل و الزعتر و ملح و شوية سكر) ثم تحل العجينة و تدخلها للفرن 10 دق و بعد تصب الصالصة فوقها و تحط الجبن موتزاريلا و تزيد تطيبها ربع ساعة ثم تخرجها و تزينها بالتن و الزيتون و رشة معدنوس