دجاج مجمر وتارت

العجينة : 300 غ فرينة ونصف باكو خميرة وعضمة و 150 غ زبدة وملح وتعجنها بالحليب
وتطيبها نصف طياب
الخليط :
دجاج وبيض مسلوق ونيء وجبن وبصل وشوية معدنوس  
تطيب الدجاج والبصل وشوية معدنوس وتفوح بالتابل والكرويةوالاكليل والملح والفلفل الاكحل حتى ينزح من ماه وبعد نزيد الجبن والعضم المصموت وتصب الخليط في التارت وتطيبها في الفرن

اعمل خليط في كاس متكون من : اكليل وزعتر وكروية وفلفل اكحل وكركم وملح وزيت وقارص وخلطهم بالباهي وصبهم على الدجاج ومعاهم 2 كيسان ماء وزيت وحطهم يغليو حتى ينزحو حطهم في الفور يتجمرو

أعمل السفافد متاع البطاطا والفلفل والقرع المقلي وزين الصحانات وتأكل بالشفاء

 

مقرونة بكعابر اللحم

كعابر اللحم المفروم: تفوح اللحم بالملح والكركم وتابل وكروية وسنينة ثوم وشوية نعناع شايحوشوية فلفل مرحي وكعبرهم ثم ارميهم في المرق إلى يغلي

الصالصة :ترمي كل شيء في الماء و الزيت و تحط 3 مغارف ماكلة طماطم معجونة و نفوحو ملح و فلفل اكحل و كركم و

تابل و كروية و راس ثوم مفروم و  شوية فلفل مرحي وكيف يغلي الماء ترمي الكعابر  تخليه يغلي و  تحط ورقتين رند على نار ضعيفة حتى  يطلع زيتها

ابتسام

أرز بلحم العلوش والفاكية

طيب أرز أزعر عادي باللحم : تقلي اللحم والبصل وامرق وتزيدو كركم وفلفل اكحل وملح وشوية زعفران ووريقة زند وحط الارز يفور فوقو بعد ما تريه بالزيت والكركم  والماء المغلى وكيف يطيب اللحم سقيه بالمرق متاعو ، وبالنسبة للفاكية أقليها شوية في الفور وبعد خرجها تبرد شوية وارميه تتقلي في الزبدة حتى تنضاج بالباهي وكان تحب خلط الفاكية مع اللحم وتزين الأرز وكان عندك برشا خلطها مع الارز وبعد زيد رش على اللحم وماتنساش الزبيب تكون بليتو في الماء الساخن وصبيت عليه شوية مرق أزعر باش يبنان وزيد رشو من فوق، فما شكون يصمط معاه عضيمات عربي وبعد زين الصحنات كيما تحب 

أرز بالدجاج

تقلي الدجاج وبصلة وبعد تزيد طماطم خضراء وطماطم معجونة  وتمرق وتزيد بسباس مرحي وفلفل اكحل وكركم وملح وفلفل مرحي
وكيف يغلي المرق أرمي الحمص طايب وسفناريا  كان تحب كعيبة بطاطا ولو أنها تمصت الأرز
تبل الارزبشوية زيت وكركم وماء يغلي وتحطو يفور
وفي التوفيرة الثانية تريه بالمرق ورجعو يفور
كيف يطيب سقي وأقلي الفلفل

محمّص باللمبوكة

تقلي بصلة في زيت الزيتونة وتزيدها كعيبة طماطم خضراء وبعد مغرفة طماطم معجونة وشوية طماطم شريحة وتمرق وتزيد الملح والفلفل الاكحل والكركم وشوية فلفل مرحي وترمي قطيعات اللمبوكة يغليو وبعد خرجهم وارمي المحمّص وكيف يطيب أقلي قرينات فلفل وقطيعات لمبوكة عدي بيهم وتأكلو بالشفاء

سمك المغزل مقلي

تنظف المغزل وتفوحو بالملح والكمون وشوية تابل بالثوم وبعد تقليه

بوري

Puré بالكروفات
تصمت كعبتين بطاطا ومعاهم كعيبات كروفات بالملح وبعد سقطرهم وارفس البطاطا وزيدها شوية زبدة و2 مغارف حليب وارفس الكل بالباهي وحطهم في البوش وزين الصحنات كيما تحب
بالسلاطة والطماطم والكروفات

كسكسي باليازول

كسكسي باليازول
تقطع اليازول وتحطو يفور وفوقو الكسكسي
وتقلي بصل وطماطم معجونة وطماطم شريحة وهريسة عربي وبعد تمرق وتزيد ثوم وكروية وملح وفلفل مرحي وكركم وفلفل ملاحي وفلفل بر العبيد وفلفل أحمر حار
وكيف يطيب الكسكسي ويكون تريتو سقيه بالمرق وخليه يتشرّب

فيليه السردينة باني

سردينة باني
تنظف السردينة وتنحيلها السلسول وبعد تفوحها بالملح والتابل والكمون وخيها تبنان في الثﻻجة ساعة على الاقل
بعد تاخو بالكعبة بالكعبة وتلفها في الفرينة وبعد العضم وبعد الخبز المرحي وتقليها
بعدين تعمل السﻻيط وزين الصحنات

vole au vent

تستعمل العجينة المورقة وتشكلها كما في الصور وتدهن بأصفر البيض تم تطيبها في الفررن وتحضّر الحشو : بصل وتن ومعدنوس وبيض وجبن وبيض نيءوكيف يطب تخرجو وتحط الحشو وتعاود ترجعو حتى يطيب وزين كيما تحب

طواجن السبناخ

طواجن السبناخ
قطع اللحم وشوية بصل وزيت وماء ونخليهم يغليو لين يطيب اللحم وينزح تماما نحطلو الملح والفلفل الاكحل والكركم و 100غ جبن قرويار وطابع جبن كويستور و و 2بيضات مسلوقين ووسبناخ مفور ومسقطر وخلط الكل وبعد زيدو العضم النيء وارحيه في الروبو وحطو في قوالب وبعد يطيب في الفور
وكيف يبرد زينو بالجبن