قاتو بالغلة

تكيل القاتوالكل بالياغرتة
تخلط في وعاء :
ياغورتة ونصف ياغرتة زيت نباتي
وفي وعاء آخر تغربل 2 ياغرتات فرينة ومعاهم 1 خميرة قاتو وتخلطهم بالباهي
تشعل الفور وتحضر الطبق تدهنو بالزيت وترش عليه شوية فرينة
وفي صحفة تحط 3 بيضات بحرارة الغرفة ومعاه ياغرتة سكر و1فانيليا وتركضهم بالباهي حتى يولي عندك خليط كريمي ومن غير ماتوقف الخلاط فقط نقص في سرعتو تزيدو خليط الياغرت والزيت وبعد زيدو خليط الفرينة
وكيف يولي الخليط متجانس صبو في الطبق وطيبو في الفرن على و 180°
وكيف تبرد بالباهي طيب كريمة : نصف لتر حليب 2 فصوص بيض و مغرفة سكر و 2 مغارف نشا وكيف تبرد زيدها 100 غ زبدة وخلطها بالباهي حتى تولي كريمة متجانسة افرشها علة القاتو وزين بالغلة الموجودة عندك وبعد زيد ادهن الغلة بالناباج وخليها تبرد في الثلاجة

فيليه سمك القاروص في الفرن

طبق اليوم
فيلي سمك القاروس في الفرن محشيه بالسبناخ والبطاطا
أولا تحضير السبناخ
انقلي السبناخ في الزبده مع قليل من الزيت وحبة ثوم ملح وفلفل اسود
تحضير السمك
بعد التنضيف والتقشير نفتح السمكه ونزع الشوك بداخلها
انقسمها لاربعه الجزاء انغطسها في الزيت بعد في الشبلير نرش شويه ملح ونضعها في الفرن
البطاطا انقطعها شرائح حسب قطع السمك زيت وملح وندخلها الي الفرن
طريقة التقديم
نضع قطعة السمك البطاطا السبناخ نكررها مرتين ومن فوق نضغ قطعة السمك الأخري

فرج سعيد

مرقة جلبانة بالعلوش

تحط اللحم يغلي في الماء مع الزيت و 2 رؤوس بصل وفي نصف الطياب تزيدو طمطومة خضراء و ومغرفة طماطم معجونة موش مليانة وتفوح بالملح والفلفل الاكحل و2 مغارف صغاركركم وتزيد 2 كيسان جلبانة ووتخليها تغلي وكيف يطيب اللحم ترمي كعيبة بطاطا وقرين فلفل اخضر وخليها تطيب لين تقر زيتها

فطيرة وشكشوكة بيتنجال

مغرفتين معدنوس و 5 بيضات ومغرفة مليانة هريسة عربي و 3 مغارف فرينة وملح وفلفل اكحل وفلفل مرحي وراس ثوم مهرس وكروية ( وكان عندك فيجل حط شوية )خلطهم بالباهي واقليهم
شكشوكة البيتنجال : تقلي البيتنجال وحدها وبعد أقلي الفلفل بعدما تحشيه بالملح والكروية
في طنجرة تيفال تقلي الطماطم الخضراء والثوم المقطع وكيف تطيب تحط عليها الفلفل المقطع و الملح والكروية وشوية فلفل مرحي وقطرات ماء وفقر العضم انا مانحبش نحط طماطم معجونة باش تبقى خفيفة وزيد ردو بالكم ماتحطوش ماء برشا دوبما ترش عليها

رولي الدجاج المحشو بشرائح البيتنجال والجبن

رولي شرائح صدر الدجاج باني محشوه بالبذنجان والجبن
مع الفطر محشو بقطع الدجاج والفطر مع المتزرلا
اولا انقطع البذنجان ارشو علي الملح الخشن ونخليوه يستقطر الماء لأنه فيه المراره بعدين انشيحوه ونشويه علي النار
نبسط شرائح الدجاج نضع فوقها البذنجان قطعة الجبن الفوه ونخلله بي الكردون بعدين انغطسوه في الزيت والفوه في الشبلور
الفطر
ننزع عناقد الفطر انضفوه من الداخل
انقطع العناقد مع الدجاج يعني تقطع قليل من الأمام لشرائح الدجاج واتحمرهم في الزيت مع العناقد التي نزعنها من الفطر وقليل من الثوم والملح
نخلطهم مع بطاطه مسموطه معدنوس فلفل اسود ملح وبيضه انقطع المتزرلا نضعها داخل الفطر أولا بعدين نضع الخليط ونضعهم في الفرن كما في الصورة
ملاحظه اتنجم تستعمل خاصة في شهر رمضان المبارك في بلاصة البريك كل ليله تعمل الفطر بخليط البريك

فرج سعيد

كوشة علوش مع ارز

لحم علوش في الفرن مع شويه روز بالجلبانه والبصل فلفل حار والزبيب
طريقة التحضير
أولا انقلي البصل في الزيت بعد انضيف الجلبانه وقليل من الزبيب تتقلي شويه وانضيف الماء وقت اطيب انخرجوها ونترك مرقتها في المقلاة انضيف عليها الأرز مسموط أولا نصف سمط الكركم ملح فلفل اسود وانقطع فيها فلفل ملون حار أو حلو وقليل من الماء
اللحم انفوح اللحم بالملح الاكليل المرمري زيت وحبات من الثوم وقليل من الماء ونضعه في الفرن
البطاطا اما اتضفها مع اللحم وإلا تدهنها بالزيت والملح وتضعها في الفرن

فرج سعيد

داند مجمّر في الفرن مع الأرز وباركات

تغسل فخذ الداند بالباهي وتقصو وبعد تصب عليه 2 كيسان خل وتعصر كعبة قارص كبيرة وتخليه 3 ساعات في الثلاجة يبنان ويتفوح باش تتنحى منو الريحة الخايبة

وبعد أغسلو بالباهي وخليه يستقطر في كسكاس 30 دق ثم في طنجرة حط الداند وماء وزيت وملح ورأس بصل وفلفل أكحل واكليل صحيح وتابل وزنجبيل و2 سنينات ثوم وخليه يغلي لين ينزح ويطيب الداند زيدو كروية وكركم يزيد غلو وخرجو حطو في طبق الفرن رش عليه كروية وخويط زيت وكعيبة طماطم خضراء وقرن فلفل قسمو باش يبنن اللحم وحطو في الفرن

الماء متاع الداند نحيه من الطنجرة  وحطو في كسرونة اخرى وفي الطنجرة حط 2 كيسان أرز وصب عليهم 4 كيسان ماء الداند إلى طاب فيه وكان الماء أقل زيد ماء دافئ وخليه يغلي على نار هادية لين ينزح ويطيب الأرز وغطيه باش ترجع عليه السخانة ويبدا كعبة كعبة ومن الاحسن في القرانيت تطيب أو التيفال باش ما يلصقش

الباركات : حكة تن تعصرها فوقها رأس بصل مسوتي و4 مغارف معدنوس مقطع و 100غ جبن فوندون و2 بيضات مصموتين ومقطعين وفلفل أكحل وكبار وزيتون قطعو جويد 5 بيضات تخلط الكل وتحط في الباركات الحاضرين وزين بالزيتون والفلفل بر العبيد وطيبهم في الفرن

وأخيرا اعمل سلاطة وزين الصحنات كيما تحب

بان كايك بالشكلاطة والفاكية

بيضتان بحرارة الغرفة
3 مغارف ك سكر
1 فانيليا
تركضهم بالباهي حتي تتحصل على خليط كريمي
ومن غير ما تقص على التركيض زيدهم كعبة ياغورت ينكهة الفانيليا ونصف ياغرتة حليب بالشوية بالشوية والركاضة تخدم وبعد تكون حضرت 7 مغارف كبار فرينة مغربلين وتخلطهم مع 1 خميرة قاتو وتزيدهم بالشوية بالشوية للخليط
وتسخن المقلة القرانيت او التيفال بعدما تدهنها بشوية زيت وتصب لوش من الخليط وتخليها تطيب وبعد تقلبها في مقلة اخرى وهكذا حتى يكمل الخليط الكل زين بقاناش الشكلاطة أو معجون الي عندك والغلة زادة