خبز الرغر المحشي

الروسات ساهلة وغير مكلفة
بالنسبة للعجينة طرية برشا وممكن تستعملوها في معجنات اخرى
100مل حليب
100 مل ماء دافئ
2 مغرفة صغيرة سكر
مغرفة صغيرة ملح
كيس خميرة خبز ( 11غ)
وتخلطهم بالباهي وخليهم يرتاحو في مكان دافئ 15 دق
وبعد زيدهم 80 مل زيت نباتي او زبدة ذائبة
وخلط
واخيرا ابدا زيد في الفرينة شيئا فشيئا حتى تتلم عجينتك
خليها تزيد تتخمر 15 دق
حضر الحشو :
بطاطا مصموتة وعضم وتن وجبن وهريسة وزيتون
ممكن تستغنى عن البطاطا
تقسم عجينتك كويرات صغار
حل بالوحدة بالوحدة وحط فيها هريسة وبعد شوية خليط وسكرها ورصف الكعب في الطبق
ادهنهم بخليط (اصفر بيض ونسكافيه وحليب )
ورش السينوج
وخليهم يرتاحو 15 دق اخرين
سخن الفرن وطيبهم على 200°

 

كفتة بالتريلاّ

كفتة تريلا
تصمت التريلا وتسبلها بالباهي وتزيدها شوية معدنوس وبصل مقطعين جويدين وملح وفلفل اكحل وتابل مفوح وشوية كمون وفلفل مرحي وهريسة عربي دياري و2 مغارف فرينة وبيضة او 2 وتخلط الكل بالباهي وبعد تعمل كعبورة وتلفها بالفرينة وتقليها وكيف تكملهم تعمل
صوص :
ماء وبصلة صغيرة وطماطم معجونة وفلفل اكحل وملح وكركم وتابل وسنة ثوم مفرومة وزيت وكيف يغلي ارمي الكفتة وخليها على نار هادية حتى تطيب وتقر زيتها رش شوية مون واطفي
اقلي بطاطا وقرين فلفل وتاكلو بالشفاء
#طبخات تونسية

 

الزرير

2 كغ جلجلان
1 كغ بوفريوة
200 غ زبدة
كغ ونصف عسل حر
تنظف الجلجلان تقليه
تقلي البوفريوة بالباهي لين تطلع ريحتها وتتنحى القشرة متاعها
وبعد تذوب الزبدة وتخلط كل المكونات مع بعض

Cheese cake au chocolat

Cheese cake au chocolat❤تشيز كايك بالشكلاطة
المقادير:
ثلاث اكواب جبن كريمي (كيري او فيلادلفيا مثلا) كوبان كريم شانتي.ملعقة فانيليا.سكر بودرة. لوح شكلاطة. بودرة كاكاو.100 غ زبدة.400 غ بسكويت غير مملح. طريقة التحضير: تحضير طبقة البسكويت من خلال سحق البسكويت ناعما و خلطه بالزبدة المذابة وملعقتي كاكاوثم يقع سكب الخليط في القالب المخصص للشيز كايك ورصه في قاع القالب بالتساوي و نضعه في البراد.
تحضير طبقة الجبنة: من خلال سكب الجبنة الكريمي و السكر البودرة و خفقهما بآلة الخفق.في وعاء اخر نقوم بخفق الكريم الشانتي المتوفرة بالتدريج (اما السائلة او البودرة مع اضافة الحليب)حتى يصبح الخليط متماسكا وذو قوام كريمي ثم نمزج خليط الجبن المتحصل عليه سابقا بالكريم شانتي المحلاة حسب الرغبة. ونضع ثلاثة ارباع الخليط فوق طبقة البسكويت. ونمزج الثلث المتبقي بالشكلاطة المذابة و ملعقة كاكاو لنتحصل بذلك على الطبقة الثالثة. ونضعها فوق الطبقتين الاولتان و تحفظ في الثلاجة لمدة ساعتين او ثلاثة لتتماسك. اما التزيين فحسب الذوق احبتي.

انيسة ابراهم بوشناق

بيتزا الحلقات

باكو خميرة تحله في كاس ماء دافئ وكأس حليب دافئ ومغرفة ملح ومغرفة سكر وتخليهم درج يتخمرو ومن بعد تزيدهم ثلاثة مغارف زيت وتلم بالفرينة وتخليها ترتاح ومن بعد تعملهم كعبورات صغار وتحلهم شوية بيدك وتنزل عليهم ي الوسط بكأس باش تعمل حفرة في الوسط وخليها ترتاح ولو تنفخت شوية زيد انزل عليها مرة اخري بالكاس وتدهن الأجناب باصفر العضم وترش السينوج والجلجلان وتحط في الوسط صوص البيتزا وتطيبها ومن بعد تحط المتزارلا والتن وتاكل بالشفا

مفيدة حمزة

 

الملوخية بالعلوش

تسخن الماء وتاخد 12 مغرفة ماكلة ملوخية و تحت بزايد زيت في طاجين كبير تيفال باش ما يلصقش تسخن شوية زيت على نار هافتة وتحل الملوخية تحت بالشوية بالشوية لين تتحل في الزيت كان شوية زيت تنجم تزيد بعد تحل وتحرك وتبدى تحت في ماء بالشوية بالشوية وديما تحرك لين تتحل تمرقها بزايد شوية بالماء سخون وخليها تغلي على نار هافة ساعة ونصف ما غير لحم .وتاخو اللحم بقري والا علوش والا مخلط كيف ماتحب تفوحو 2 مغارف طماطم شوية زيت فلفل اكحل فلفل مرحي شوية هريسة عربي كركم شوية ملح راس توم مرفوس وتابل ورقتين رند و2قرون فلفل شايح تخلطهم لكل مع لحم وتخليه يرتاح بعد ساعة ونص مالا تغلي الملوخية ترمي اللحم وتزيد ساعة ونصف لين تقر زيتها والنار ديمة هافتة

نزهة

سابليه

سابليه
تاخو 300غ زبدة بحرارة الغرفة وزيدهم 200 غ زبدة جديدة و 200 غ سكر محور تخلطهم بالباهي وبعد زيدهم 4 بيضات واحدة واحدة وخلط وزيد 1 فانيليا وزيدهم 150 غ نشا ونخلط بالباهي وبعدين نغربل كغ فرينة ( ممكن أقل حسب نوعية الفرينة يحيث ما تكونش يابسة
وزيدهم 2 خميرة وخليها ترتاح ساعة وبعد اصنع عادي
خوذ شوية من العجينةواصنع بيها زهرات وزين الكعاب كيما تحب

طبق مرقاز مشوي

بيتزا سبيسيال

بيتزا سبيسيال
العجينة :
كاس حليب + كاس ماء دافئ +20 غ خميرة خبز + 2 مغارف صغار سكر + مغرفة صغيرة ملح
تخلطهم بالباهي وتخليهم يتخمرو 15 دق في مكان دافئ وبعد تزيدهم 1/2 كاس زيت نباتي 2 مغارف كبار حليب بودرة ( كان ماعندكش كوش مشكل تنجم تستغنى عليهم ) + فرينة حتى تتلم وخليها ترتاح 10 دق وحضر الصوص
الصوص : تصمت طماطم خضراء وتسقطرها وترحيها
وتقطع 2 بصلات كبار جويدين وتقليهم وتزيدهم 1/2 مغرفة ماكلة طماطم معجونة وبعد تصب الطماطم المصموتة و 3 سنات ثوم مقطعين جويدينوتخليها تشكشك وتفوح بالملح والكركم والفلفل الاكحل والتابل والكروية والزعتر والاكليل الحي وخليها ليت تخثارارمي فيها حلقات فلفل أخضر
تحل العجينة وتحط فيها الصوص وترش الموتزارلا وكان تحبها سبيسيال بالعضمة فقر عضمة ودخلها للفرن تطيب كلها مع بعضها ، وكان تحبها بلاش حطها تطيب وكيف تخرجها رش عليها المعدنوس والتن والزيتون وتاكلو بالشفاء

حلقات البصل بالكروفات

حلقات البصل المحشية بالكروفات
تفوح كعيبات الكروفات بالملح والفلفل الاكحل وتسوتيهم
تحضر حلقات البصل وتحطهم في المقلة مدهونة بالزيت
تعمل خليط متكون من بيض وبصل ومعدنوس وملح وفلفل اكحل وجبن وقطع فيه كعيبة او 2 كروفات وصبهم في حلقات البصل كيف تسخن المقلة وزينهم بكعيبات كروفات وفلفل بر العبيد وغطي المقلة وكيف يطيبو كولوهم مع السلاطة

تالياتلي بالكروفات

تالياتلي بالكروفات
تصمت 8 كعبات طماطم خضراء وبعد سقطرهم وارحيهم
وقلي بصلة صغيرة في الزيت وزيدها الطماطم المرحية وفوح بالثوم وشوية تابل زيدها الملح والفلفل الاكحل والكركم والكروفات وريشة حبق اخضر وخليها تشكشك حتى تخثار وتطيب
اصمت التالياتلي وزين الصحنات

مرقة قناوية بالدجاج العربي

مرقة قناوية بالدجاج العربي
انا اليوم استعملت دجاج عربي في المرقة
تقلي دجاج و2 رؤوس متوسطين بصل وكعبة طماطم خضراء وتزيدهم مغرفة ماكلة ناقصة طماطم معجونة وبعد تمرق وتفوح بالملح والفلفل الاكحل والبسباس المرحي وشوية فلفل مرحي والكركم وشوية زنجبيل وخليها تغلى على نار هادية حتى تطيب وتقر زيتها المرقة تكون موش مطمطمة وخفيفة وبنينة
وفي الاثناء ننظف القناوية ونقصلها الطنقورو ونشقها من الاسفل ونخليها في ماء +ملح ساعة تقريبا
وبعد اغسلها ونحي التلعبين وسقطرها بالباهي واقليها حتى تصفار
كان القناوية كبيرة ماتكثرش وكان صغيرة موش مشكل
كيف تطيب المرقة رش عليها القناوية وماتحركهاش خليها تشكشك 4 دق وطفي عليها النار
كان تحب اقلي بطاطا وفلفل او لا وتاكلو بالشفاء